Minskamu błohieru, jaki rabiŭ ahlady na kramy, dali dva hady chimii
Sud Centralnaha rajona Minska prysudziŭ mužčynu, jaki rabiŭ ahlady na kramy, da dvuch hadoŭ chimii. Jaho sudzili pavodle artykuła ab raspaŭsiudzie piersanalnych źviestak (častka 1 i častka 2 artykuła 203-1 KK), paviedamlaje pres-słužba prakuratury.
Pavodle materyjałaŭ spravy abvinavačany ŭ kastryčniku 2023 hoda źniaŭ na videa kramu i jaje supracoŭnikaŭ. Padstavaj stali parušeńni ŭ pracy adnoj z kramaŭ bujnoj handlovaj sietki.
Biez zhody supracoŭnicy, pavodle prakuratury, jon raźmiaściŭ jaje piersanalnyja źviestki — fota– i videa ź miesca pracy, a taksama proźvišča i inicyjały paciarpiełaj, «supravadziŭšy abraźlivymi kamientarami».
Pra sutnaść kanfliktu ŭ kramie ničoha nie viadoma, ale, imavierna, pavodziny pradavački vyklikali abureńnie ŭ hledačoŭ. Bo «apieratar kramy ŭ imhnieńnie nabyła niežadanuju ŭvahu da svajoj piersony: rolik ź jaje ŭdziełam znachodziŭsia ŭ topie prahladanych videa. Žančyna sutyknułasia z abrazami ad nieznajomych minakoŭ. Akramia taho, 11-hadovaja dačka minčanki padvierhnułasia bulinhu ŭ škole ad svaich adnahodkaŭ. Padletki abzyvali mamu dziaŭčynki, pakazvajučy niepryjemny post».
Na sudzie minčuk pryznaŭ svaju vinu, patłumačyŭšy, što takim čynam zafiksavaŭ parušeńni ŭ pracy handlovaj sietki.
Błohieru było pryznačana pakarańnie ŭ vyhladzie abmiežavańnia voli z nakiravańniem u papraŭčuju ŭstanovu adkrytaha typu na termin 2 hady sa štrafam u pamiery 300 bazavych vieličyń (12 tysiač rubloŭ).
-
Pa zahadzie biełarusa ŭ rasijskich škołach vyrablali šapački z folhi dla abarony ad NATA
-
Łukašenka spadziajecca pierazapuścić adnosiny z Zachadam pry Trampie. Voś što napisaŭ pra jaho blizki paplečnik Trampa
-
Maksim z Łatvii pierajechaŭ u Biełaruś. Ciapier raskazvaje, jak dobra, kali častku zarobku vydajuć praduktami
2025 hod moža stać dla Biełarusi hodam pieramien, jakich biełarusy bajalisia2
Kamientary