Vy ŭžo mahli zaŭvažyć, što kali adkryvajecie niekatoryja materyjały na NN.by, traplajecie na Nina.nn.by. «Nina» — heta novy prajekt «Našaj Nivy», dzie my źbirajem kancentrat z navin, aryjentavanych najpierš na žančyn, choć i mužčynam, napeŭna, budzie što pačytać. Davajcie patłumačym, adkul uziałasia «Naša Nina» i navošta my jaje robim.
Piać faktaŭ pra novy partał Nina.nn.by
1. Heta pieršy ŭ śviecie biełaruskamoŭny resurs dla žančyn. Narešcie ŭ biełarusak źjaviłasia ŭłasnaja placoŭka, dzie jany mohuć vykazvać svaje dumki, pieražyvańni, abmiarkoŭvać toje, što ich chvaluje. «Našu Nivu» siońnia najpierš čytajuć mužčyny — 65% aŭdytoryi. My chočam, kab «Našu Ninu» adkryvali ich žonki, siostry, maci i dočki.
Mužčyn taksama čakajem u hości: upeŭnienyja, vam budzie pra što padumać.
2. «Nina» — novy samastojny prajekt «Našaj Nivy». Jon maje svoj sajt, svoj łahatyp, svoj dyzajn, svaje staronki ŭ sacyjalnych sietkach i navat svaju mini-redakcyju.
Stvaralnicy novaha resursu — Nastaśsia Roŭda i Kaciaryna Karpickaja.
Fota Siarhieja Hudzilina.
3. Čamu «Naša Nina»? Tak mahła nazyvacca kamanda «Našaj Nivy» ŭ Biełaruskaj intelektualnaj hulni — spabornictvie biełaruskamoŭnych intelektuałaŭ. Praŭda, nad cikavaj prapanovaj my tolki paśmiajalisia i nazvu kamandy tak i nie źmianili (ciapier jana nazyvajecca «Dziki i Łosi»). Kali ž źjaviłasia ideja stvaryć asobny resurs dla žančyn, hety varyjant pryhadaŭsia adrazu: tut i hulnia słovaŭ, i pryviazka da vytokaŭ.
4. Nad ažyćciaŭleńniem zadumy aktyŭna pracavali siem čałaviek. Heta žurnalisty, redaktary, dyzajniery. Łahatyp «Niny» raspracavaŭ Michał Aniempadystaŭ.
5. Pra što tut pišuć? Pryncyp adzin — pra toje, što cikava našym čytačkam. U nas užo pytalisia, čamu niama rubryk «palityka», «ekanomika» i hetak dalej. My nie ličym, što žančynu heta nie cikavić. Ale pra ŭsio heta zaŭsiody možna pačytać na «Nivie». Kali b my stvarali mužčynski prajekt, prykładam, «Naša Piva», tam taksama nie było b ni palityki, ni ekanomiki.
«Nina» — hetkaja supieržančyna, zborny vobraz biełarusak, dla jakoj niama miežaŭ ni ŭ hałavie, ni navokał. Ź joj možna paśmiajacca i abmierkavać vostryja temy, joj možna pažalicca, u jaje možna paprasić parady ci adkazu na luboje pytańnie. Kali ŭžo jość pra što spytacca abo jość što raspavieści, listujcie nam na poštu [email protected].
Padpisvajciesia na nas u sacsietkach, kab nie prapuścić usio samaje cikavaje:
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu12
Kamientary