Piśmieńnik Łazutkin apublikavaŭ artykuł z admaŭleńniem taho, što ŭ Kurapatach pachavanyja achviary savieckich rasstrełaŭ

Na adnym z sajtaŭ, skiravanych na biełaruskuju aŭdytoryju, što finansujucca rasijskimi śpiecsłužbami, źjaviŭsia artykuł biełaruskaha piśmieńnika Andreja Łazutkina pra Kurapaty.

Łazutkin admaŭlaje toj fakt, što ŭ Kurapatach pachavanyja achviary savieckich rasstrełaŭ i vyciahvaje staruju viersiju, što tam spačyvajuć achviary nacystaŭ.

Jon hruntujecca na šerahu sfalsifikavanych dakumientaŭ, što źjavilisia ŭ kancy 1980-ch, jakija mieli na mecie abialić saviecki režym.

Z novaha — Łazutkin u duchu novaj rasijskaj kanśpirałohii vieryć u zmovu biełaruskich elit z metaj raspalvańnia ŭ krainie rusafobii. Jon abvinavačvaje ŭ tym nie tolki biełaruskich prakuroraŭ, ale i davodzić, što hazapravod, jaki kłali kala mikrarajona Zialony Łuh u 80-ja, śpiecyjalna paviarnuli, kab abśledavać miascovaść i znajści pachavańni. «Opriedielennyje lica znali o primiernom miestie kaźniej, a vpośledstvii vydali žiełajemoje za diejstvitielnoje». Dziela čaho? Kab dyskredytavać SSSR i raskrucić BNF.

Darečy, Łazutkin nie viedaje, što samu nazvu «Kurapaty» prydumaŭ Zianon Paźniak. Takim chitrym sposabam jon vykryŭ budučuju sprobu falšavańnia historyi. Da taho les na horach kala vioski Cna-Jodkava nie nazyvaŭsia nijak.

Paźniak pradbačyŭ sproby falsifikacyi histaryčnych dakumientaŭ adnosna miesca rasstrełaŭ. I, sapraŭdy, nieŭzabavie paśla pieršaj publikacyi pra miescy pachavańniaŭ u lesie kala Zialonaha Łuha źjavilisia falšyvyja «dakumienty NKVD» z rapartami pra «rasstreły nacystami va ŭročyščy Kurapaty». Tady Paźniak i padniaŭ dokazy, što nazvy Kurapaty da jahonaj publikacyi nie isnavała.

Adziny praŭdzivy fakt, za jaki čaplajecca Łazutkin, — heta ličba ŭ 250—300 tysiač mahčymych pachavanych u Kurapatach, jakaja była pryviedzienaja ŭ pieršaj publikacyi pra niekropal. Jana sapraŭdy była zavyšanaja. Ličba ŭ prykładna 30 tysiač rasstralanych, nazvanaja hienprakuroram BSSR Tarnaŭskim, bolš vierahodnaja.

Fota Siarhieja Hudzilina.

Ahułam u Biełarusi, jak padličyŭ archivist Adamuška, było niezakonna represavana kala 600 tysiač čałaviek. Kala 200 tysiač ź ich zahinuła. Rasstralanyja ŭ Minsku i spačyvajuć u lesie kala Minska.

Chvali savieckaha teroru ŭ 1920-ja hady vyniščyli šlachtu, carskaje čynavienstva, paśla – levuju apazicyju i relihijnych aktyvistaŭ. Kala 1930-ha represii abrynulisia na bahatych sialan. U 1930-ja tatalnyja represii čakali nacyjanalnuju intelihiencyju i staryja inžyniernyja kadry. U 1937 byli vyniščany kiraŭničyja kadry BSSR. Narešcie, u dva zachody byli likvidavany tyja rabotniki NKVD, jakija ažyćciaŭlali papiarednija represii, kab ścierci ich ślady. Takim čynam Stalin z paranaidalnaj mietadyčnaściu vyniščyŭ sacyjalnyja hrupy, patencyjna zdolnyja da arhanizavanaj apazicyi. Na zachodnyja nacyi SSSR abrynuŭsia asabliva žorstki ŭdar.

Andrej Łazutkin — aŭtar knih «Palihon» i «Palitałohija», aktyvist prałukašenkaŭskaj Kampartyi Biełarusi.

U Biełarusi nie isnuje pakarańnia za admaŭleńnie savieckich złačynstvaŭ, u tym liku masavaha teroru 1937 hoda i haładamoru sialanstva. 

Svoj artykuł Łazutkin pryśviaciŭ 137-hodździu Stalina.

• 0
• 0
• 0
• 0
• 0
• 0