Пяць ідэй з усяго свету для вясновага генеральнага прыбірання

• Д’ябал у дэталях

Кожны снежань у Гватэмале праводзіцца свята спальвання д’ябла. Згодна з традыцыяй, каб захаваць кантроль над паводзінамі д’ябла, яго пудзілы спальваюць разам з побытавым смеццем. У гэтую катэгорыю гватэмальцы ўключаюць усе рэчы, якія больш не патрэбныя дома. Здаецца, часам перабіраць свае рэчы і пазбаўляцца ад такіх прадметаў не такая ўжо і дрэнная ідэя, піша ВВС.

• Згуляць у скрыню

Шведы маюць цікавы звычай пад назвай dostadning — гэты тэрмін можна перакласці як «перадсмяротнае прыбіранне». Яго сэнс у тым, што перад смерцю трэба пазбавіцца ад непатрэбных рэчаў, якія перапоўнілі ваша жыццё, каб не абцяжарваць імі няшчасных родных, калі вас не будзе каля іх.

Такая традыцыя можа напужаць. Але пастаўцеся да вясновага прыбірання як да вашага апошняга дня на Зямлі і ўявіце, колькі хламу вы пакінеце сваім родным, калі з вамі нешта здарыцца. Магчыма, гэта зматывуе вас нарэшце навесці парадак дома.

• Новы год і новы ты

У Кітаі ёсць традыцыя перад Новым годам рабіць дома вялікую ўборку, каб «прыбраць» адтуль усе няўдачы, што могуць хавацца ў зацішных кутках вашага дома. Пры гэтым трэба абавязкова месці ў кірунку сябе і выкідваць смецце праз чорны ўваход.

Цікава, што менавіта ў дзень Новага года кітайскія традыцыі строга забараняюць прыбірацца, бо праз гэта можна згубіць шчасце.

• Пялёстак да пялёстка

Вясенні фестываль цюльпанаў — тыповы галандскі звычай, але праз перасяленцаў у Паўночную Амерыку ён стаў вельмі папулярным у ЗША. Важны элемент фестывалю — прыборка вуліц да пачатку святкаванняў, і мясцовае насельніцтва актыўна ў гэтым удзельнічае.

Можна не любіць кветкі, але цяжка не пагадзіцца з тым, што патраціць трохі часу і прыбраць навакольнае асяроддзе — ідэя, карысная для ўсіх. Праца на свежым паветры, напрыклад, у лесе, не толькі можа падняць настрой, але і дасць часам неабходную фізічную нагрузку.

• Кнігам таксама патрэбнае прыбіранне

Фанаты чытання часта пакутуюць праз тое, што ў іх дома зашмат кніг. Частка з іх ужо прачытаная, а да некаторых, здаецца, ужо не дабрацца. Ісландцы прыдумалі, што рабіць у такіх выпадках: для гэтага існуе традыцыя, вядомая як калядная кніжная паводка.

Напярэдадні кожных Каляд ісландцы дораць адзін аднаму кнігу. Яе трэба прачытаць як мага хутчэй, пажадана зрабіць гэта ў калядную ноч. Канечне, да Каляд яшчэ далёка, але прэзентаваць адзін аднаму кнігі, што вы ўжо не прачытаеце, можа быць цікавай ідэяй.

• 4
• 2
• 0
• 0
• 0
• 0