Аляксандр Класкоўскі. Кропкі над «і»33

Хто чакае: Лукашэнка ці Эўропа?

Ёсьць вэрсія, што Брусэль параіў Кіеву ня гнаць коней. Маўляў, пабачым, ці абыдзецца Дзень Волі без дручкоў. Іншая вэрсія палягае ў тым, што візіт у Кіеў прытармазіў беларускі бок. Піша ў сваім блогу Аляксандар Класкоўскі.

Юшчанка ў Даніі сказаў, што мае сустрэцца з Лукашэнкам цягам 10-15 дзён. Візыт беларускага кіраўніка ў Кіеў ужо так даўно ссоўваецца, што і гэты тэрмін падаецца няпэўным.

Ва ўсякім разе, сустрэча адбудзецца пэўна пасля Дня Волі. Ёсьць вэрсія, што Брусэль таму і параіў Кіеву ня гнаць коней. Маўляў, пабачым, ці абыдзецца імпрэза беларускай апазыцыі без дручкоў.

Іншая вэрсія палягае ў тым, што візіт у Кіеў прытармазіў беларускі бок. Маўляў, заляцаньні да Захаду адсунутыя ўбок і цяпер Менску трэба зноў неяк падлашчыцца да Крамля. Бо бяз таннай нафты і крэдыту — кепска. Маскоўскі аналітык Андрэй Суздальцаў мяркуе, што і ў Сочы Аляксандар Лукашэнка паляцеў найперш каб "падпільнаваць" Пуціна.

Бадай, ніводная з гэтых крайніх трактовак не адпавядае ісьціне цалкам.

Наўрад ці Юшчанку так ужо наўпрост, бы праз сэлектар:), загадваюць з "брусэльскага абкаму": ты там, браце, перайграй тэрміны! Болей імаверна, што на графік і прыярытэты ўкраінскага прэзыдэнта ўплывае палітычная тузаніна ў самім Кіеве.

Зь іншага боку, рана рабіць выснову, што Менск згарнуў гульню на заходнім кірунку. Так лічыць, у прыватнасьці, аналітык Валер Карбалевіч, зь якім мы толькі што абмяняліся думкамі.

Сапраўды, менавіта таму, што ў стасунках з Масквою і ў эканамічных пэрспэктывах пануе няпэўнасьць, лягічна доўжыць "шматвэктарную імітацыю".

Вось сэмінар з удзелам Уты Цапф наладзілі. Абодва бакі забясьпечылі сабе як мінімум піяр. Тутэйшаму электарату пакажуць, што Эўропа не цураецца. Эўропа, у дадзеным выпадку праз АБСЭ, дэманструе добрую волю дый проста зандуе глебу. А раптам нешта скранецца?

"Дыялёг фактычна ідзе, і апазыцыя спазьнілася", — кажа Валер Карбалевіч. Ён мае на ўвазе заявы Саляны, Бразаўскаса, апошнія візыты эўрапейскіх эмісараў у Менск.

Лідэры АДС (калі гэтая абрэвіятура яшчэ нешта абазначае дэ-факта) спрабуюць нагадаць, што іх забылі ўзяць на цягнік.

Зрэшты, пакуль што ён пыхкае ля пэрону, і ці кранецца — вялікае пытаньне.

Зараз дыялёг у той непрасунутай стадыі, калі, як пакручаста выказаўся Юшчанка, "Беларусь мусіць даць сыгнал сусьветнай супольнасьці, што яна рэагуе на сфармаваныя эўрапэйскай дэмакратыяй сыгналы" :)

Ва ўсякім разе, Захад відавочна не сьпяшаецца купляць апазыцыі квіткі за свой кошт.

Між тым уласнага палітычнага капіталу ў структураваных апанэнтаў улады, мусіць, малавата, каб ужо сёньня прэтэндаваць на статус паўнапраўнага трэцяга боку.

Каментары3

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Усе навіны →
Усе навіны

Як змяніць беларускія нумары на літоўскія. Што трэба і колькі каштуе працэдура?15

Ірына Фарыён памерла ў бальніцы15

Стары паплечнік Лукашэнкі параўнаў яго з аяталой Хамейні. Параўнанне так сабе2

На Менцы раскапалі ўжо тры рады гакавых драўляных канструкцый ФОТА3

16-гадовая беларуска ўпала з шостага паверха ў Варшаве

Ірына Абельская стала заслужанай доктаркай16

Полк Каліноўскага афіцыйна пацвердзіў замену свайго камандзіра і заявіў пра рэфармаванне18

Польшча распачала паляванне на кампаніі, якія абыходзяць санкцыі супраць Беларусі і Расіі1

Лукашэнка загадаў адпраўляць на ліквідацыю наступстваў урагану палітзняволеных18

больш чытаных навін
больш лайканых навін

Немец, прысуджаны да расстрэлу, датычны да дыверсій? Вось што за гісторыя гэта магла быць6

Немец, прысуджаны да расстрэлу, датычны да дыверсій? Вось што за гісторыя гэта магла быць

Галоўнае
Усе навіны →