«Прымусіць Расію да міру немагчыма». Пяскоў — пра выступ Зяленскага ў Радзе Бяспекі ААН
У Крамлі назвалі «фатальнай памылкай» меркаванне ўладаў Украіны, што Расію можна толькі «прымусіць да міру». Пра гэта на брыфінгу сказаў прэс-сакратар прэзідэнта РФ Дзмітрый Пяскоў, каментуючы выступ Уладзіміра Зяленскага ў ААН, піша «Медуза».
24 верасня прэзідэнт Украіны заявіў на пасяджэнні Рады Бяспекі ААН, што расійска-ўкраінская вайна павінна быць закончаная, а не прыпыненая або замарожаная — і Расію «можна толькі прымусіць да міру як адзінага агрэсара ў вайне і адзінага парушальніка Статута ААН».
«Пазіцыя, заснаваная на спробе прымусу Расіі да міру, з'яўляецца абсалютна фатальнай памылкай. Бо прымусіць Расію да міру немагчыма, — адказаў на гэта Дзмітрый Пяскоў. — Расія з'яўляецца прыхільніцай міру, але з умовай забеспячэння асноў яе бяспекі і выканання тых задач, якія стаяць перад СВА (так у Расіі называюць уварванне ва Украіну — НН). Без дасягнення гэтых мэтаў прымусіць Расію немагчыма».
Прадстаўнік Крамля дадаў, што пазіцыя ўладаў Украіны з'яўляецца «глыбокай памылкай, якая непазбежна будзе мець наступствы для кіеўскага рэжыму».
Жыхарцы Магілёва пагражаюць крыміналкай за тое, што зняла ранішнюю чаргу ў рэгістратуру3
Каментары