«Prymusić Rasiju da miru niemahčyma». Piaskoŭ — pra vystup Zialenskaha ŭ Radzie Biaśpieki AAN
U Kramli nazvali «fatalnaj pamyłkaj» mierkavańnie ŭładaŭ Ukrainy, što Rasiju možna tolki «prymusić da miru». Pra heta na bryfinhu skazaŭ pres-sakratar prezidenta RF Dźmitryj Piaskoŭ, kamientujučy vystup Uładzimira Zialenskaha ŭ AAN, piša «Mieduza».
24 vieraśnia prezident Ukrainy zajaviŭ na pasiadžeńni Rady Biaśpieki AAN, što rasijska-ŭkrainskaja vajna pavinna być zakončanaja, a nie prypynienaja abo zamarožanaja — i Rasiju «možna tolki prymusić da miru jak adzinaha ahresara ŭ vajnie i adzinaha parušalnika Statuta AAN».
«Pazicyja, zasnavanaja na sprobie prymusu Rasii da miru, źjaŭlajecca absalutna fatalnaj pamyłkaj. Bo prymusić Rasiju da miru niemahčyma, — adkazaŭ na heta Dźmitryj Piaskoŭ. — Rasija źjaŭlajecca prychilnicaj miru, ale z umovaj zabieśpiačeńnia asnoŭ jaje biaśpieki i vykanańnia tych zadač, jakija stajać pierad SVA (tak u Rasii nazyvajuć uvarvańnie va Ukrainu — NN). Biez dasiahnieńnia hetych metaŭ prymusić Rasiju niemahčyma».
Pradstaŭnik Kramla dadaŭ, što pazicyja ŭładaŭ Ukrainy źjaŭlajecca «hłybokaj pamyłkaj, jakaja niepaźbiežna budzie mieć nastupstvy dla kijeŭskaha režymu».
-
Minabarony Brytanii: U apošnija miesiacy Rasija niesła samyja vialikija štodzionnyja straty z pačatku vajny
-
Prezident Irana zajaviŭ, što Tehieran nikoli nie ŭchvalaŭ ahresiju Rasii suprać Ukrainy. U Kramli adkazali
-
Samalot Jak-130 nie pierasiakaŭ miažy, mieŭ miesca zapusk falš-celi — Pavietranyja siły Ukrainy
Kamientary