Былы вядучы «Зоны Х» Лукша: З тэлефона супрацоўніка БТ Маркаву адправілі смс «ідзі нах**» — а павесілі на мяне
У новым выпуску ТОКу былы вядучы беларускага тэлебачання і былы палітзняволены Дзмітрый Лукша расказаў пра свае няпростыя адносіны з міністрам інфармацыі Маратам Маркавым.
Па словах Дзмітрыя Лукшы, з-за Марата Маркава ён і пайшоў з БТ.
Лукша згадвае выпадак, які адбыўся на адной з сустрэч супрацоўнікаў БТ:
«Было шмат алкаголю, весялосці. І з тэлефона аднаго з супрацоўнікаў, які да гэтай пары працуе на адным з дзяржканалаў, была даслана смс Марату Сяргеевічу вельмі канкрэтнага характару з заклікам пайсці далёка і надоўга. А гэты інцыдэнт павесілі на мяне».
«Не ведаю, чаму так падумалі. Але як довад было наступнае. Калі мы гэтага чалавека — а ён добра перабраў з алкаголем — даводзілі да таксі, у нейкі момант ён згадаў, што забыўся тэлефон. Я сказаў, што збегаю і прынясу. Я падымаюся ў кватэру, прыношу тэлефон. І вось палічылі, што калі я бегаў, то адправіў немаведома нашто Маркаву гэтае паведамленне», — расказвае Лукша.
Па словах былога вядучага, ён спрабаваў патлумачыць, што такія выбрыкі «не ў яго жанры», але зрабілі яго вінаватым.
«Гэта быў такі ўнутраны нядрэнны скандал. Марат Маркаў адразу заняў пазіцыю, што гэта я. Я спрабаваў нешта тлумачыць. Былі намёкі на тое, што ўсе ўдзельнікі гэтай тусоўкі панясуць пакаранне.
Але ў нас з ім да гэтага былі пытанні. Не было канэкту. Тады пачаўся падзел сфер уплыву ў Агенцтве тэленавінаў і ўвогуле на БТ, дзе збіралася кааліцыя Маркава. І ў Маркава была пазіцыя: «Хто не са мной, той супраць мяне». Я не быў з ім, і апрыёры да мяне былі адносіны: «Ну рыхтуйся, хлопча», — дзеліцца акалічнасцямі Лукша.
@tokbelarus Было ли стыдно работать на белорусском ТВ? #милициябеларуси #беларусь #милиция #полиция #нашаніва #лукашенко #телевидение ♬ transgender - <3
***
Дзмітрый Лукша нарадзіўся ў 1989 годзе. У канцы 2000-х і першай палове 2010-х працаваў на БТ, быў вядучым «Зоны Х».
У 2020 здымаў пратэсты для казахстанскага тэлеканала «Хабар». У 2022 быў арыштаваны і прысуджаны да 4 гадоў зняволення за ўдзел у дэманстрацыях і «дыскрэдытацыю Беларусі». Разам з ім была асуджаная яго жонка Паліна Палавінка. Адбываў пакаранне ў калоніі ў Шклове.
Вызваліўся 3 ліпеня 2024 года па памілаванні адначасова з жонкай, пасля чаго сям’я з’ехала ў Польшчу.
Глядзіце цалкам:
Удзельніка «X-фактара» арыштавалі за палітыку — хутка будзе суд1
Каментары