19-гадовага палітвязня сёння сталі судзіць за «здраду дзяржаве»
16 верасня Магілёўскі абласны суд у закрытым судовым пасяджэнні пачаў разгляд справы палітзняволенага Данііла Гарасіма.
Хлопцу інкрымінаваныя ч. 1 арт. 361-3 КК (удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вярбоўка або падрыхтоўка асоб да такога ўдзелу), ч. 1 арт. 356 КК (здрада дзяржаве), ч. 2 арт. 295 КК (незаконныя дзеянні ў адносінах да агнястрэльнай зброі, боепрыпасаў і выбуховых рэчываў), піша «Вясна».
Працэс прызначаны весці Ігар Зямцоў.
Данііл — 19-гадовы юнак. Згодна з прапагандысцкім фільмам АНТ, яго абвінавачвалі ў «здрадзе дзяржаве» за тое, што ён фатаграфаваў вайсковыя аб'екты ў Асіповічах і спрабаваў перадаць «башмак» ініцыятыве «Супраціў». У фільме паказваюцца кадры пастаяннага сачэння за ім.
«Зашмат у вас дзяцей». Як жыве сям'я з сямю дзецьмі, якой давялося выехаць з Беларусі2
Каментары