Аднаму з найлепшых беларускіх трэнераў па настольным тэнісе далі два гады калоніі
Брэсцкі абласны суд 25 ліпеня асудзіў 63-гадовага трэнера па настольным тэнісе Юрыя Лагадзюка да двух гадоў калоніі, піша «Берасцейская Вясна».
![](http://d3kcf2pe5t7rrb.cloudfront.net/img/w840d4webp1/photos/z_2024_08/lahadziuk240820-r8118.jpg.webp)
Яго прызналі вінаватым паводле ч. 1 арт. 361-4 Крымінальнага кодэксу за «садзейнічанне экстрэмісцкай дзейнасці». Сутнасць абвінавачвання праваабаронцам невядомая. Прысуд вынес Андрэй Сіз.
Юры Лагадзюк прысвяціў сваё жыццё рэабілітацыі людзей з інваліднасцю праз настольны тэніс. Яго гадаванцы нярэдка выйгравалі на чэмпіянатах у Беларусі і іншых краінах.
Сярод падапечных Лагадзюка шмат людзей з парушэннямі апорна-рухальнага апарата, праз інваспорт Лагадзюк займаецца іх рэабілітацыяй.
Месца ўтрымання: СІЗА-7, 224030, г. Брэст, вул. Савецкіх памежнікаў, 37
Каментары