Аўтобус «Масква-Брэст» трапіў у аварыю — некалькі чалавек у бальніцы
Аварыя здарылася 18 жніўня каля шасці раніцы.
Фота тут і далей: МУС
На аўтадарозе М1 «Брэст — Мінск — мяжа Расійскай Федэрацыі» ў Дзяржынскім раёне кіроўца аўтобуса міжнародных зносін «Масква-Брэст», па папярэдняй інфармацыі, не справіўся з кіраваннем. Ён з'ехаў у кювет і наехаў на прыдарожныя дрэвы.
У салоне знаходзіліся два кіроўцы і 46 пасажыраў. Тры чалавекі шпіталізаваныя.
На месцы здарэння працуе следча-аператыўная група, прычыны і ўмовы ДТЗ выяўляюцца, паведамляе МУС.
У Мінздароўі паведамілі, што ўсяго ў выніку ДТЗ пацярпелі 9 чалавек. Адзін з пацярпелых, шпіталізаваны ў Дзяржынскую ЦРБ, знаходзіцца ў аддзяленні анестэзіялогіі і рэанімацыі. Стан ацэньваецца як сярэдняй цяжкасці.
«У тых, хто быў у Мінску ў 2020-м, зусім іншае меркаванне». Сястра Калеснікавай адказала Пазняку81
Каментары