На бабруйскай радыёстанцыі выбухнуў скандал з-за віншаванняў вязняў калоніі №2
«Зай, ліст атрымала, адказік са спісам паляцеў. Дома ўсё ў норме. Бясконца сумую», — тыповы прыклад такога віншавання.
На бабруйскай радыёстанцыі Zefir FM здарыўся скандал з-за віншаванняў асуджаным папраўчай калоніі №2. Вядучага могуць адхіліць ад праграмы, паведамляе Mayday.team
Гаворка ідзе аб праграме «Шалом», якую вядзе Міхаіл Гуцін і якая выходзіць штодня з 19:00 да 20:00. Гэтую праграму з нецярпеннем чакаюць у ВК-2.
На працягу гадзіны вядучы проста зачытвае прывітанні і віншаванні ў эфіры, аднак у некаторыя дні практычна ўся праграма складаецца з паведамленняў сваякоў вязняў папраўчай калоніі. Такая сітуацыя склалася з-за таго, што адміністрацыя ВК-2 затрымлівае лісты і дазваляе занадта кароткія тэлефонныя званкі дахаты.
На мінулым тыдні праграма стала прычынай разборак. Міхаіла Гуціна выклікалі і папярэдзілі, што калі не перастане чытаць паведамленні для асуджаных, то будзе зняты з эфіру. З іншага боку, вядучы не можа ведаць, якое менавіта паведамленне можа быць адрасавана вязням.
Вось прыклад аднаго з такіх віншаванняў:
«Хатняе прывітанне для …. Зай, ліст атрымала, адказік са спісам паляцеў. Дома ўсё ў норме. Сонейка, бясконца кахаю цябе, вар'яцка сумую, абняла да храбусцення, расцалавала ўсяго-усяго. Твая Каханая».
Цяпер такія паведамленні кіраўніцтва радыёстанцыі лічыць недапушчальнымі, бо ў іх змяшчаюцца нібыта схаваныя пасланні. Дакладней, адкуль прыйшло распараджэнне разабрацца, пакуль цяжка зразумець.
Радыёстанцыя Zefir FM з'яўляецца часткай дзяржаўнага прадпрыемства «Інфармацыйнае агенцтва «Бабруйск Медыя». У яго склад яшчэ ўваходзяць тэлеканал «Бабруйск 360», газеты «Бабруйскае жыццё» і «Трыбуна працы», інтэрнэт-сайт BobrLife.
«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9
Каментары