Украінцаў спыталі, ці прыйшоў час пачынаць перамовы з Расіяй — вынікі сацапытання
Амаль палова ўкраінцаў гатовая да перамоваў з Расіяй, але большасць з іх не гатовая прыняць расійскія ўмовы. Жыхары ўсходніх рэгіёнаў менш гатовыя да перамоваў, чым жыхары захаду і цэнтра Украіны.
Паводле звестак апытання Цэнтра Разумкова, праведзенага ў канцы чэрвеня на замову выдання ZN.UA, каля 44% украінцаў гатовыя на мірныя перамовы з Расіяй, 35% — супраць.
Выданне адзначае, што вынікі апытання моцна адрозніваюцца па рэгіёнах Украіны.
Напрыклад, у цэнтральнай частцы краіны згодныя пачаць перамовы з Расіяй амаль палова апытаных (49%), а на Захадзе — толькі траціна (35%), на поўдні краіны 60% лічаць, што час перамоваў прыйшоў — на 16% вышэй, чым у сярэднім па краіне.
Што да ўсходу, які расейцы кожны дзень атакуюць ракетамі, то там толькі 33% жыхароў гатовыя да перамоваў. Супраць перамоваў выступаюць 34% украінцаў з усходу краіны. Не вызначыліся на гэты конт 32% апытаных.
Большасць украінцаў не згодныя з умовамі перамірʼя, вылучанымі нядаўна расійскім прэзідэнтам Уладзімірам Пуціным.
![](http://d3kcf2pe5t7rrb.cloudfront.net/img/w732d4webp1/photos/z_2024_07/220d183d0bad180-z2hlc.jpg.webp)
Напрыклад, 83% апытаных не лічаць магчымым аддаць Расіі чатыры часткова захопленыя вобласці, на якія яна прэтэндуе — Данецкую, Луганскую, Херсонскую і Запарожскую.
77% не лічаць магчымым поўную адмену заходніх санкцый супраць Расіі.
58% не гатовыя пагадзіцца з замацаваннем нейтральнага, пазаблокавага і бязʼядзернага статусу Украіны ў Канстытуцыі.
Палова ўкраінцаў (51%) настойвае на вызваленні Украіны ад расійскіх войскаў у межах 1991 года, 26% гатовыя спыніць вайну на лініі размежавання на пачатак 2022 года і толькі 9% гатовыя прызнаць мяжу па лініі фронту на момант заключэння пагаднення.
![](http://d3kcf2pe5t7rrb.cloudfront.net/img/w732d4webp1/photos/z_2024_07/520d183d0bad180-yf97d.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/620d183d0bad180-hjpcd.jpg.webp)
![](http://d3kcf2pe5t7rrb.cloudfront.net/img/w732d4webp1/photos/z_2024_07/1020d183d0bad180-n0r2v.jpg.webp)
Дзве траціны апытаных (66%) лічаць, што Расію можна перамагчы на полі бою. 82% лічаць, што перамога дасягальная, калі Захад паставіць Украіне дастаткова зброі, 76% мяркуюць, што для гэтага патрэбен уласны магутны ВПК і навядзенне парадку з мабілізацыяй.
![](http://d3kcf2pe5t7rrb.cloudfront.net/img/w732d4webp1/photos/z_2024_07/920d183d0bad180-i4onf.jpg.webp)
Пры гэтым 46% украінцаў лічаць, што няма нічога ганебнага ў тым, каб быць ухілістам, і толькі 29% прытрымліваюцца супрацьлеглага меркавання.
Каментары
чамусьці гэта інфа прайшла нібы па-за ўвагай чытачоў..ачоў