Паліна хоча стаць стаматолагам.
Два гады ўпартай працы — і 400 балаў у кішэні! Гэта вынік таленту, працавітасці выпускніцы 43-й гімназіі Мінска Паліны Дзярыбы, а таксама заслуга яе настаўнікаў і бацькоў, паведамляе тэлеграм-канал Мінадукацыі.
Абітурыентка здавала біялогію, хімію і беларускую мову, мае атэстат на 100 балаў.
Стаўкі былі высокія: дзяўчына марыць стаць стаматолагам.
— Паліна — удзельніца алімпіяднага руху па біялогіі з 7 класа. Яе не задавальнялі дыпломы II і III ступені, хацелася быць яшчэ лепшай. У 10 класе яна ўжо пераможца гарадской алімпіяды, у 11-м — першая ў Фрунзенскім раёне і 6-я ў горадзе, — расказала настаўнік біялогіі Алена Сяржантава.
Класным кіраўніком Паліны два гады таму стала Людміла Каспяровіч, калі дзяўчына прыйшла ў 10-ы профільны філалагічны клас:
— Як настаўнік беларускай мовы і літаратуры Паліну ведаю з 5 класа. Мяне здзівіла яе дапытлівасць, жаданне пазнаць як мага больш, уменне неардынарна думаць.
Хімію ў Паліны выкладала Валянціна Раманава — педагог з вялікім стажам.
Як адзначыла намеснік дырэктара па вучэбнай рабоце гімназіі №43 Наталля Лапцева, з установы сёлета выйшла 46 выпускнікоў 11-х класаў. Па выніках ЦЭ і ЦТ — 38 вынікаў звыш 90 балаў і 13 стобальных. Два вучні (Дзяніс Кароль і Аляксей Макоска) атрымалі па дзве сотні — па фізіцы і матэматыцы.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары