Palina choča stać stamatołaham.
Dva hady ŭpartaj pracy — i 400 bałaŭ u kišeni! Heta vynik talentu, pracavitaści vypusknicy 43-j himnazii Minska Paliny Dziaryby, a taksama zasłuha jaje nastaŭnikaŭ i baćkoŭ, paviedamlaje telehram-kanał Minadukacyi.
Abituryjentka zdavała bijałohiju, chimiju i biełaruskuju movu, maje atestat na 100 bałaŭ.
Staŭki byli vysokija: dziaŭčyna maryć stać stamatołaham.
— Palina — udzielnica alimpijadnaha ruchu pa bijałohii z 7 kłasa. Jaje nie zadavalniali dypłomy II i III stupieni, chaciełasia być jašče lepšaj. U 10 kłasie jana ŭžo pieramožca haradskoj alimpijady, u 11-m — pieršaja ŭ Frunzienskim rajonie i 6-ja ŭ horadzie, — raskazała nastaŭnik bijałohii Alena Siaržantava.
Kłasnym kiraŭnikom Paliny dva hady tamu stała Ludmiła Kaśpiarovič, kali dziaŭčyna pryjšła ŭ 10-y profilny fiłałahičny kłas:
— Jak nastaŭnik biełaruskaj movy i litaratury Palinu viedaju z 5 kłasa. Mianie ździviła jaje dapytlivaść, žadańnie paznać jak maha bolš, umieńnie nieardynarna dumać.
Chimiju ŭ Paliny vykładała Valancina Ramanava — piedahoh ź vialikim stažam.
Jak adznačyła namieśnik dyrektara pa vučebnaj rabocie himnazii №43 Natalla Łapcieva, z ustanovy sioleta vyjšła 46 vypusknikoŭ 11-ch kłasaŭ. Pa vynikach CE i CT — 38 vynikaŭ zvyš 90 bałaŭ i 13 stobalnych. Dva vučni (Dzianis Karol i Alaksiej Makoska) atrymali pa dźvie sotni — pa fizicy i matematycy.
Kamientary