Грамадства11

У Гродне за каментары і ўдзел у пратэстах затрымалі праваслаўнага харыста Даніэля Кейта. Вось як яго адшукалі

Падобна, прычына зноў у тэлеграм-акаўнце.

Даніэль-Ландсэй Кейта спявае ў праваслаўным хоры «Усіхсвяцкі», красавік 2024. Фота: ndsmi.by

Даніэлю-Ландсэю Кейта 24 гады, ён мінчук. У 2018-м скончыў Рэспубліканскі музычны каледж на дырыжора. Пасля паступіў у Беларускую дзяржаўную акадэмію музыкі па той жа спецыяльнасці. Быў лаўрэатам конкурсу маладых вакалістаў імя Шаляпіна. 

Вядома, што хлопец праваслаўны вернік. Да 2019-га спяваў у храме імя Аляксандра Неўскага ў Мінску, які знаходзіцца на вуліцы Казлова, пасля пачаў спяваць у хоры «Усіхсвяцкі», які базуецца ў Храме ўсіх святых на аднайменнай вуліцы ў Мінску.

Ягоны тэмбр — барытон.

Даніэль-Ландсэй Кейта. Фота з ягонай старонкі «Укантакце» (архіўная копія)

Цяпер хлопца затрымалі. Яго вінавацяць у каментарах, якія ён пакінуў у чатах. У асноўным ён спрабаваў спрачацца з прыхільнікамі Лукашэнкі ў розных «ябацькачатах», прычым рабіў гэта даволі прыстойна. Пакідаў ён і каментары ў падтрымку Украіны, на якія сілавікі звяртаюць асаблівую ўвагу, і каментары з асуджэннем гвалту сілавікоў.

Акаўнт Даніэля ў тэлеграме быў прывязаны да яго асабістага нумара, было ў ім і фота хлопца. А фота з пратэстаў, якія дэманструюць сілавікі, захоўвалася ў ягоным тэлефоне — найхутчэй іх адшукалі ўжо пасля затрымання.

Вядома, што яго затрымлівалі ў 2020-м па палітычным адміністрацыйным артыкуле, але за што, не паведамляецца.

«Наша Нiва» — бастыён беларушчыны

ПАДТРЫМАЦЬ

Каментары1

  • Даўно параў павыдаляць усе з тэлефонаў
    21.06.2024
    Для чаго захоўваць фоты на тэлефоне. Колькі можна паўтараць што ўсе трэба вычысціць і не займацца гэтай лухтой, вы што збіраецеся перамагаці іх фоточкамі

Байдэн выходзіць з прэзідэнцкай гонкі28

Байдэн выходзіць з прэзідэнцкай гонкі

Усе навіны →
Усе навіны

З'явілася ФОТА з суда над Рыка Крыгерам

Замест СМС — выццё сірэн. МНС хоча памяняць сістэму апавяшчэння падчас непагадзі2

Олаф Шольц дагэтуль глядзіць лямпавы тэлевізар6

Славакія і Венгрыя спыняюць пампаваць нафту праз трубаправод «Дружба». Гэта важна і для Беларусі

УСУ нанеслі ўдар па вайсковым аэрадроме ў Растоўскай вобласці1

Немец, прысуджаны да расстрэлу, датычны да дыверсій? Вось што за гісторыя гэта магла быць9

У ЗША вызвалілі жанчыну, якая адсядзела 43 гады ні за што2

Пасля ўрагану беларусы падалі больш за 10 тысяч заявак у Белдзяржстрах1

Пад Мінскам бусел купаўся ў возеры разам з людзьмі ВІДЭА5

больш чытаных навін
больш лайканых навін

Байдэн выходзіць з прэзідэнцкай гонкі28

Байдэн выходзіць з прэзідэнцкай гонкі

Галоўнае
Усе навіны →