Яго незвычайная афарбоўка звязаная з рэдкай мутацыяй.
![](http://d3kcf2pe5t7rrb.cloudfront.net/img/w732d4webp1/photos/z_2024_04/435981329_1178850063101111_7236455656274156392_n-a6cy5.jpg.webp)
Шпака звычайнага (Sturnus vulgaris) з незвычайнага колеру пер'ем заўважылі ў сталіцы ў пачатку красавіка.
У звычайна цёмнай з каляровымі пералівамі птушкі пер'е было амаль цалкам белым, цёмны колер застаўся толькі на кончыках пёраў.
Такі выгляд звыклай для Беларусі птушкі звязаны з генетычнай мутацыяй, лейкізмам (грэч. λευκός — «белы»), якая адбіваецца на клетках, адказных за сінтэз меланіну. У выніку пігмент утвараецца ў малых колькасцях.
![](http://d3kcf2pe5t7rrb.cloudfront.net/img/w732d4webp1/photos/z_2024_04/435976319_439107325257244_651603959951706805_n-r9v6e.jpg.webp)
Лейкізм выклікае толькі частковую страту пігментацыі вонкавага покрыва ў жывёл — шэрсці, пер'я, лускі і скуры, але ніколі, у адрозненні ад альбінізму — пігментацыі вачэй.
Такая асаблівасць сустракаецца не толькі ў птушак, але і ў іншых жывёл, напрыклад, у коней, кароў, котак, сабак, гарадскіх варон і алігатараў.
Паводле відавочцаў, незвычайная птушка трымалася крыху падалей ад сваіх суродзічаў, але і не была зусім ізгоем, што звычайна даволі характэрна.
«Наша Нiва» — бастыён беларушчыны
ПАДТРЫМАЦЬ
Каментары