«Ісламская дзяржава» пагражае правесці тэракты падчас чвэрцьфіналаў Лігі чэмпіёнаў
Першыя матчы ўжо сёння.
Тэрарыстычная арганізацыя «Ісламская дзяржава» пагражае правесці тэракты на гульнях 1/4 фіналу Лігі чэмпіёнаў па футболе сезона 2023/24. Пра гэта паведамляе championat.com.ua са спасылкай на Marca.
Рэсурс, адказны за распаўсюд паведамленняў арганізацыі, апублікаваў фота з узброеным чалавекам і назвамі стадыёнаў, на якіх пройдуць чвэрцьфінальныя матчы ЛЧ на гэтым тыдні: «Эмірэйтс» у Лондане, «Парк дэ Прэнс» у Парыжы, «Метрапалітана» і «Сант'яга Бернабеў» у Мадрыдзе.
На фота напісана: «Забіць іх усіх».
Паводле інфармацыі Marca, органы бяспекі ўжо праінфармавалі «Рэал» пра пагрозу з боку ІД. Зараз прыняты ўзмоцненыя меры бяспекі, бо Міністэрства ўнутраных спраў Іспаніі прысвоіла гэтаму матчу катэгорыю «з павышанай рызыкай».
Сёння ў 1/4 фіналу гуляюць «Рэал» Мадрыд — «Манчэстэр Сіці» і «Арсенал» — «Баварыя».
Заўтра згуляюць ПСЖ — «Барселона» і «Атлетыка» Мадрыд — «Барусія».
Што запісана афіцыйнай прычынай смерці адзінага сына Ярмошынай?9
Каментары