Паглядзіце фота ўпершыню выяўленага глыбакаводнага васьмінога і яго чароўных іншапланетных дзяцей
Каманда навукоўцаў, якія працуюць ля ўзбярэжжа Коста-Рыкі, ідэнтыфікавала чатыры раней невядомыя віды глыбакаводных васьміногаў у раёне гідратэрмальных крыніц на дне акіяна.
Разнастайнасць і прыгажосць жыцця на нашай планеце не перастаюць уражваць. Міжнародная навуковая група з Schmidt Ocean Institute выявіла як мінімум чатыры новыя віды глыбакаводных васьміногаў падчас дзвюх экспедыцый у 2023 годзе, падчас якіх навукоўцы даследавалі падводныя горы ля ціхаакіянскага ўзбярэжжа Коста-Рыкі.
Падчас сваёй першай экспедыцыі ў чэрвені 2023 года каманда знайшла два «дзіцячыя садочкі», звязаныя з гідратэрмальнымі крыніцамі. Праз паўгода навукоўцы вярнуліся да гэтых васьміногавых ясляў і пераканаліся, што яны, здаецца, актыўныя круглы год. Таксама даследчыкі назіралі некалькі іншых новых відаў васьміногаў удалечыні ад гідратэрмальных крыніц.
Адзін з новых васьміногаў з'яўляецца прадстаўніком глыбакаводнага роду Muusoctopus. Яго вырашылі назваць Dorado Octopus у гонар першапачатковага месца адкрыцця — невялікага агалення скалы, якая неафіцыйна завецца El Dorado Hill. Астатнія тры з выяўленых новых відаў усё яшчэ апісваюцца камандай.
Пакуль даследчыкі назіралі, як толькі менавіта Dorado адкладваў яйкі ў гідратэрмальных крыніцах. Адкрыццё дадае доказы таго, што род Muusoctopus эвалюцыянаваў так, каб адкладаць яйкі ў цёплых крыніцах на марскім дне.
Як мучылі Ціля Швайгера і цэнтры гарадоў, каб стварыць карцінку для судзімага за махлярства пратэжэ Дзмітрыя Баскава15
Каментары