«Я не магу зрабіць так, каб праз Беларусь не заходзілі». Што Лукашэнка сказаў па тэлефоне Зяленскаму ў пачатку вайны
Сутнасць тэлефонных перамоваў паміж Зяленскім і Лукашэнкам увечары першага дня вайны раскрыў кіраўнік украінскай кіроўнай партыі «Слуга народа» Давід Арахамія, які тады быў побач і усё чуў.
Падчас інтэрв'ю з Давідам Арахаміяй на ютуб-канале «Мосейчук +» украінская тэлевядучая Наталля Масяйчук спытала палітыка пра першыя пасля пачатку вайны тэлефонныя перамовы паміж Зяленскім і Лукашэнкам, якія дапамог арганізаваць украінскі дэпутат Шаўчэнка.
Ініцыятарам размовы быў Лукашэнка, і Зяленскі спачатку адмовіўся з ім размаўляць, але Арахамія, паводле яго слоў, усё роўна паставіў званок на гучную сувязь, каб украінскі прэзідэнт паслухаў, «ці скажа Лукашэнка што-небудзь важнае».
Лукашэнка тады сказаў: «Мы не будзем ваяваць з Украінай».
«Я не магу зрабіць так, каб яны не карысталіся маёй інфраструктурай, праз Беларусь не заходзілі і не запускалі ракеты. Але я гарантую, што ніводны беларускі салдат не перасячэ мяжу Украіны», — сказаў у першы дзень вайны Лукашэнка Зяленскаму, успамінае Арахамія.
Арахамія адзначыў, што ніхто тады словам Лукашэнкі не паверыў, але пры гэтым дадаў, што «ён, відаць, дагэтуль трымае сваё абяцанне».
СК назваў імёны тых, хто скінуў выбухоўку на базу АМАПа ў Мінску ў 2021 годзе5
Каментары
Відаць, што жыхары Украіны як не разумелі, так і не разумеюць сутнасць лукашызма. лука са сваімі халуямі дагэтуль не на вашай тэрыторыі толькі таму, што пабачылі як іх гаспадару далі па пысе. Гэта палітычная жывёла разумее толькі мову сілы і на працягу 30 гадоў ён ніводнага абяцання не выканаў.