На аўкцыёне прададуць гадзіннік жыхара Віцебска, які плыў на «Тытаніку»
Аўкцыён пройдзе ў суботу ў Брытаніі.
Брытанскі аўкцыённы дом Henry Aldridge & Son Ltd выставіў на таргі кішэнны гадзіннік Сіная Кантара — эмігранта з Віцебска, які плыў у красавіку 1912 года ў Амерыку на борце «Тытаніка», піша сайт «Беларусь і свет».
Аўкцыён адбудзецца 11 лістапада ў горадзе Дэвізес графства Уілтшыр. Таргі па лоце пад нумарам 288 стартуюць з 30 тысяч фунтаў стэрлінгаў (34 тысячы еўра). Але чакаецца, што яны могуць быць прададзеныя за суму ад 50 да 80 тысяч фунтаў (57—90 тысяч еўра).
Сінай Кантар разам са сваёй жонкай Мірыям былі на «Тытаніку» сярод 285 пасажыраў другога класа. Пасля сутыкнення з айсбергам Мірыям пасадзілі ў лодку, і яна выратавалася. А вось Сінай загінуў, яго цела дасталі з ледзяной вады.
Пазней жонка змагла атрымаць знойдзеныя пры мужу рэчы. Яны ўключалі ў сябе гадзіннік, а таксама адзенне, пашпарт Расійскай імперыі, нататнік, грошы, кашалёк, кішэнны тэлескоп і штопар.
Гадзіннік упершыню быў выстаўлены на продаж у жніўні 2018 года на амерыканскім аўкцыёне Heritage Auctions. Іх даў нашчадак Сіная Кантара. А купіў лот за 57,5 тысячы даляраў калекцыянер хранометраў Джон Міётэль.
На аўкцыёне прадалі апошні ліст з «Тытаніка»
Маці саступіла сыну месца на злашчасным батыскафе «Тытан»
Батыскаф пацярпеў крушэнне ад імплозіі. Тлумачым, што такое імплозія
Ці ёсць у віцебскага музея шанцы набыць карціну Марка Шагала?
Ці можна зарабіць на старых рэчах? Паглядзіце, што ў інтэрнэце прадаецца за шалёныя грошы
У чатах Калінкавічаў распаўсюджваецца ВІДЭА, якое зафіксавала падзенне беспілотніка1
Каментары