Усяго патроху33

Леманграс, хамон з качкі, хлеб з лісічкамі. Топ-10 незвычайных прадуктаў у крамах і на рынках Мінска

Журналісты выдання Myfin.by прайшліся па мінскіх магазінах і рынках у пошуках незвычайных прадуктаў. Яны знайшлі 10 ядомых тавараў, якія іх здзівілі, і сабралі ў невялікую падборку з цэнамі.

Леманграс

Фота: Myfin.by

Гэта лімонная трава (на фота злева). Адрозніваюць больш за 50 відаў. Леманграс дастаўляюць да нас з Кітая, Індыі, Тайланда. У ежу ідзе ніжняя частка сцябла, дзе запасіцца больш за ўсё алеістага соку. Трава вельмі папулярная ў азіяцкай кухні. Яе дадаюць у супы, соусы, кары, марынады, напоі. Лічыцца, што стравы, прыгатаваныя з гэтай травой, набываюць свежы водар і мяккі прысмак, які нагадвае сумесь лімона і кораня імбіру.

Кошт: 65 руб. за кг.

Дзе знайшлі: Камароўскі рынак.

Сунічныя маліны

Фота: Myfin.by

Гэта асаблівы гатунак малін, расказаў мужчына, які прадаваў гэтую ягаду на рынку. Па яго словах, смак ягады больш падобны да смаку малін, хоць смакавыя якасці менш яркія. Ягады ядуць як свежымі, так і гатуюць з іх джэмы, узвары, варэнне.

Кошт: 10 руб. за шклянку 250 г.

Дзе знайшлі: Камароўскі рынак.

Каўбаса з мяса аленя і лася з ядлоўцам, фундуком і чарнаслівам

Фота: Myfin.by

Гэтыя далікатэсы з дзічыны вырабляе прадпрыемства «Красны Бор Экапрадукт». Там перапрацоўваюць дзічыну, якая здабываецца паляўнічай гаспадаркай «Красны Бор». Затым дадаюць такія незвычайныя інгрэдыенты, як ядловец, чарнасліў і фундук.

Цана: «Дзічына з ядлоўцам», «Дзічына з фундуком» — 63-64 руб. за кг, «Паляўнічы трафей», «Далікатэс егерскі з ядлоўцам» — каля 67 руб. за кг.

Дзе знайшлі: гіпермаркет Green.

Карэ з лані

Фота: Myfin.by

Гэтую прадукцыю вырашылі ўключыць у невялікую падборку, бо карэ лані — гэта ўсё ж рэдкасць на беларускіх прылаўках. Прадавец адзначыў, што мяса лані па смаку блізкае да бараніны, а вось мяса аленя — да ялавічыны.

Цана: 61 руб. за кг.

Дзе знайшлі: фермерскі рынак «Валяр'янава».

Хамон з качкі

Фота: Myfin.by

Мы прывыклі, што пад хамонам часцей за ўсё маецца на ўвазе сыравялены свіны кумпяк. Тут жа ўдалося знайсці на рынку хамон з качкі. Прадавачка сказала, што і на такі хамон ёсць свой пакупнік. Што і не дзіўна.

Цана: 18,80 руб. за кг.

Дзе знайшлі: фермерскі рынак «Валяр'янава».

Хлеб з лісічкамі і вяленымі памідорамі

Фота: Myfin.by

Цана: 7,90 руб. за кг.

Дзе знайшлі: фермерскі рынак «Валяр'янава».

Сыр «Сэнт-Мор дэ Турэн»

Фота: Myfin.by

Сыры паспрабавалі знайсці сапраўды незвычайныя і вельмі цікавыя. Адным з іх з'яўляецца «Сэнт-Мор дэ Турэн». Гэта мяккі казіны сыр. Ён мае форму цыліндра, пакрыты бела-чорнай скарыначкай, якая складаецца са слаёў цвілі і попелу. На рынку аказаўся самым дарагім з выкладзеных сыроў.

Цана: 110 руб. за кг.

Дзе знайшлі: фермерскі рынак «Валяр'янава».

Сыр «Булет д'Авен»

Фота: Myfin.by

Наступны сыр у нашай падборцы — французскі «Булет д'Авен» у форме конуса. Як нам расказала прадавачка, — яна ж сама яго і робіць — гэта мяккі сыр. На смак ён рэзкі, пікантны. Вырабляецца з каровінага малака. У сырную масу дадаюцца эстрагон, пятрушка і гваздзік для надання асаблівага смаку.

«Гэты сыр бывае свежы, а бывае вытрыманы. Вось у нас цяпер прадаецца другі варыянт. Падчас працэдуры паспявання абціраецца півам. Камусьці сыр да смаку, камусьці — не вельмі. Падаюць яго да віна.

Цана: 15 руб. за 1 шт.

Дзе знайшлі: фермерскі рынак «Валяр'янава».

Трахея ялавічная

Фота: Myfin.by

Яшчэ адзін незвычайны прадукт — трахея ялавічная. Спыталіся ў прадаўца, што з яе можна прыгатаваць і ці ёсць на такую прадукцыю купец.

«Вядома, купляюць. Мы б тут не стаялі, — усміхаецца жанчына. — Гэта вельмі карысны прадукт. У трахеі ялавічыны змяшчаецца калаген, а ён, як вядома, умацоўвае косткі. Можна варыць з яе халоднае. А яшчэ купляюць для сабак.

Кошт: 4,90 руб. за кг.

Дзе знайшлі: фермерскі рынак «Валяр'янава».

Аленевыя рогі

Фота: Myfin.by

Вядома, журналісты здзівіліся, убачыўшы рогі аленя на прадуктовым рынку. Як аказалася, іх купляюць у якасці прысмакаў для сабак. Пагадзіцеся, таксама незвычайна.

Цана: 10 руб. за 100 г.

Дзе знайшлі: фермерскі рынак «Валяр'янава».

Чытайце таксама:

«Не, гэта не з Італіі». Беларусы пабудавалі ферму мары і заняліся незвычайнай гароднінай

«У год збіраю ад 5 да 10 тон». Патомны пчаляр расказаў пра выдаткі прафесіі і чаму сярод пчаляроў амаль не бывае махляроў

«Пакаштаваць можна?» — «Трэба». Што пачым сёлета на сезонных сельгаскірмашах

Каментары3

  • mikola
    06.10.2023
    Malaicy ! Moguc usio -kali zahoczuc !
  • Žvir
    06.10.2023
    Chamon. Toje, što ciapier modna nazyvać chamonam maje dziedy-pradziedy spradvisku rabili, dy taki, što hišpancam i nia śniŭsia. Nazyvali prosta - vietċyna.
  • Максим Дизайнер
    06.10.2023
    Бедныя!Бедныя и галодныя беларусики!Праклятая крывавая дыктатура!Миллион коптящих корчей на 1,9 млн жителей Минска!

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Усе навіны →
Усе навіны

На БТ запусцілі шоу «Добры вечар!» Госця першага выпуску — зорка расійскага шансона Віка Цыганова20

Стрыжак расказаў, як яго вербавалі спецслужбы25

Ізраіль нанёс удары па Емене «пасля дзевяці месяцаў бесперапынных нападаў»8

Зорка тыктоку Ліза Ветрава закрывае свой папулярны блог пра беларускую мову18

«Будзе адбывацца вымушаны, але ўсё большы паварот у бок Расіі». Сацыёлаг пра ўплыў новых санкцый на настроі беларусаў63

Рэдактар глыбоцкай раёнкі напісаў пра смецце ў горадзе, а пасля зразумеў, што падыгрывае «ворагам»14

«Яны кругласутачна стаяць?» На Нямізе людзі выстраіліся ў аграмезную чаргу — вось навошта ВІДЭА20

Кіеў атакаваў нейкі таямнічы дрон-камікадзэ. Што за ён?1

Былая беларуская спартсменка ўжо другі раз за жыццё памяняла спартыўнае грамадзянства9

больш чытаных навін
больш лайканых навін

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму3

Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму

Галоўнае
Усе навіны →