Здарэнні33

Бусел з-пад Маладзечна зноў уцёк у горад. Ён адчайна спрабуе паляцець у вырай, але не атрымліваецца

У Маладзечне другі раз за месяц усхваляваў горад бусел Смяльчак, які жыве ў аграсядзібе ў вёсцы Цівідаўка. Птушыны сімвал Беларусі зноў збег (ці зляцеў) ад гаспадароў 27 верасня. Знайшлі яго амаль праз двое сутак. Уцякач пішчаў і прасіў есці, піша Kraj.by.

Фота: Kraj.by

Мінулым разам, у пачатку верасня, за Смельчаком ганяліся суткі. Знайшлі тады бусла на галаве ў Леніна.

Цяпер птушка вырашыла не вяртацца дадому пасля прагулкі. Гаспадыня аграсядзібы Настасся распавядае:

— У нас чатыры буслы. Двое не лётаюць, двое — падымаюцца на крыло. Не на ланцуг жа нам іх саджаць. Вядома, выпускаем гуляць. Дык вось у сераду адзін бусел вярнуўся, а Смельчака — зноў няма. Нічога не зробіш. Гэта інстынкт.

Фота: Kraj.by

Птушка спрабуе адправіцца зімаваць на поўдзень. Усе яго суродзічы ўжо паляцелі, а ў яго не атрымаецца, нават калі вельмі захоча, але спробы ўсё роўна робіць. Ды і горад, здаецца, ён палюбіў.

Палюбілі Смельчака і маладзечанцы, якія кінуліся дапамагаць Настассі лавіць бусла, пастаянна на працягу двух дзён паведамляючы ёй па мабільным тэлефоне месцы, дзе бачылі насатага хулігана. Аказалася, што птушцы не чужое нават тэатральнае мастацтва.

Фота: Kraj.by

Насця распаўсюджвала ў інтэрнэце інфармацыю пра тое, каб гараджане ні ў якім разе не кармілі бусла і не крыўдзілі яго. Птушка не баіцца гарадскога шуму, машын і людзей. Пакрыўдзіць яе можа кожны. Разам з тым Смяльчак, колькі б ні гуляў, усё роўна павінен быў вярнуцца ў аграсядзібу на зімоўку. Галоўнае, каб падчас гэтых прагулак ён не падхапіў якой-небудзь хваробы ці не атрымаў траўмаў.

— У чацвер ганяліся за буслам па ўсім горадзе, — распавядае Настасся. — Здаралася, што прыязджаем у адно месца па паведамленні людзей — і толькі за домам крыло бачым. За ўвесь гэты час у нас у аграсядзібе цэлая чарга ўтварылася. Да нас жа ўвесь час ідуць людзі. Хто па малако, хто па гной, хто вярблюда Шышу пагладзіць і пачаставаць. Усім даводзілася чакаць.

Фота: Kraj.by

Калі ўжо сцямнела, Насці паведамілі, што Смяльчак на вуліцы Прытыцкага сядзіць на даху дома недалёка ад піцэрыі. А як яго адтуль дастанеш? Прыйшлося чакаць раніцы.

Фота: Kraj.by

— Увечары, калі пачынае цямнець, бусел з меркаванняў бяспекі шукае найвышэйшы пункт для начоўкі, бо ў цемры ён не бачыць, — тлумачыць Настасся. — А сёння ў сем гадзін раніцы нам паведамілі, што Смяльчак знаходзіцца каля гадзінніка на вуліцы Прытыцкага, ходзіць па Брадвеі (так маладзечанцы называюць пешаходную частку вуліцы. — «НН»). Там мы яго і злавілі. Але гэта ўжо не вельмі складана. Ён быў галодны, запішчаў, убачыўшы рыбу, і сам да нас пайшоў.

Смельчака адвезлі дадому. Настасся спадзяецца, што гэтыя другія ўцёкі птушынага аматара горада Маладзечна стануць апошнімі.

Каментары3

  • Žvir
    29.09.2023
    Jaki pryhožy busieł, i razumny, pa vačach bačna.
  • mikola
    30.09.2023
    Dagnac i *arystavac*.....
  • Максим Дизайнер
    30.09.2023
    Класс история!

88-гадовы апальны экс-кіраўнік Пінскдрэва Арыніч жыве ў Беластоку ў здымнай кватэры за кошт сваякоў

88-гадовы апальны экс-кіраўнік Пінскдрэва Арыніч жыве ў Беластоку ў здымнай кватэры за кошт сваякоў

Усе навіны →
Усе навіны

Што адбываецца з кліматам? Такая спёка летам будзе заўсёды?5

Беларуса затрымалі пасля адпачынку ў Італіі3

«Выйшлі хлопчыкі з чамаданчыкамі». Лідар гурта РСП расказаў, як Лукашэнка прыязджаў на здымачную пляцоўку5

Рэспубліканская партыя афіцыйна вылучыла Трампа кандыдатам у прэзідэнты ЗША9

У Кабардзіна-Балкарыі беларус сарваўся са скалы2

Трамп назваў свайго кандыдата ў віцэ-прэзідэнты22

Некаторыя беларусы сустракалі ўчарашні ўраган, купаючыся ў возеры ВІДЭА

Змітра Дашкевіча будуць судзіць па новай крымінальнай справе ўжо на гэтым тыдні7

Латушка: Я магу баяцца піць ваду ці каву ў грамадскіх месцах14

больш чытаных навін
больш лайканых навін

88-гадовы апальны экс-кіраўнік Пінскдрэва Арыніч жыве ў Беластоку ў здымнай кватэры за кошт сваякоў

88-гадовы апальны экс-кіраўнік Пінскдрэва Арыніч жыве ў Беластоку ў здымнай кватэры за кошт сваякоў

Галоўнае
Усе навіны →