Лукашэнка катэгарычна адмаўляе датычнасць расійскага кіраўніцтва да гібелі ў небе над Цвярской вобласцю Яўгена Прыгожына. Маўляў, не з пуцінскім характарам такое рабіць.
«Тое, што хвост адарваўся, ужо дакладна пацверджана. Хутчэй за ўсё, быў выбух на борце. Хто гэта ажыццявіў, я асабіста не ведаю.
Але я сказаў, што я, ведаючы Пуціна, наколькі ён педантычны, асцярожны, акуратны, не веру, што ён будзе гэтым займацца. І потым. Для кіраўніка дзяржавы такой гэта вар'яцтва. Ён не вар'ят.
Я далёкі ад таго, каб яго рабіць белым і пухнатым. У нас праца такая, «гадкая». Я не раблю яго белым і пухнатым, але ведаю, што ўсё будзе звалена на яго», — заявіў Лукашэнка.
Пасля ж яго пацягнула ў маралізатарства:
«Але тое, што адбылося, гнюсна. Для мяне гэта непрымальна. Яшчэ і з таго пункта гледжання: усе мы мужыкі, вайна ёсць вайна, але ў чым вінаватыя трое пілотаў, сцюардэса?
Там жа палова людзей, якая наогул да гэтага «маршу справядлівасці» не мела дачынення. Таму я гэтага не разумею і не прымаю. Гэта недапушчальна».
Каментары