Лукашэнка: Я і не павінен гарантаваць бяспеку Прыгожына. А вагнераўцы «нікуды не бягуць»
Пасля заканчэння сустрэчы ў БДУ Лукашэнка пракаментаваў бягучыя падзеі, сярод іншага крануўшыся і нядаўняй гібелі ў выніку авіякатастрофы кіраўніка ПВК «Вагнер» Яўгена Прыгожына.
Лукашэнка, паводле паведамлення ягонай прэс-службы, сказаў наступнае:
«Калі прама адказваць на гэтае пытанне: я і не павінен забяспечваць бяспеку Прыгожына. Гэта па-першае. Па-другое, ніколі ў такім ключы размова і не ішла. А па-трэцяе, запомніце: па бяспецы мы двойчы падыходзілі да гэтага.
Першы раз, калі я яму тэлефанаваў і ішлі перамовы, калі яны маршам ішлі на Маскву. Я яму кажу: «Жэня, ты разумееш, ты загубіш людзей і сам загінеш?» У запале гэты чалавек (толькі з фронту): «Чорт з ім, загіну!»
Я яму кажу: «Жэня, я зараз табе вышлю вяроўку і кавалак мыла». — «Не, не, не. Я так не хачу. Я героем загіну». Вось першая размова ішла.
Другі раз, калі ён прыязджаў да мяне з Дзімам Уткіным. Я катэгарычна іх абодвух папярэдзіў: «Хлопцы, глядзіце».
Увогуле самі згадкі пра гарантыі бяспекі Прыгожыну Лукашэнку абураюць:
«Прычым тут Лукашэнка? Як ён мог у Афрыцы (а Прыгожын ляцеў з Афрыкі) забяспечыць яму бяспеку? А потым ён прызямліўся ў Маскве і паляцеў у Піцер. Як я мог яму гарантаваць гэтую бяспеку? Таму гэта пытанні не да мяне. Тым больш такой размовы ніколі не было — гарантаваць бяспеку на чужой тэрыторыі».
Нагадаем, што 27 чэрвеня, неўзабаве пасля заканчэння мяцяжу Прыгожына, Аляксандр Лукашэнка сваім сілавікам расказваў пра сваю ролю ў яго спыненні і заявіў, што даў кіраўніку «Вагнера» гарантыі бяспекі, што яго нібыта «мачыць» не будуць.
23 жніўня Яўген Прыгожын загінуў у авіякатастрофе.
Таксама Лукашэнка выказаўся адносна таго, што цяпер мае быць з вагнераўцамі ў Беларусі (нагадаем, учоры з'явіліся спадарожнікавыя здымкі, на якіх бачна, што частку намётаў пад Асіповічамі згарнулі):
«Вагнер» жыў, «Вагнер» жыве і «Вагнер» будзе жыць у Беларусі, як бы камусьці гэтага ні не хацелася. Мы яшчэ з Прыгожыным выбудавалі сістэму, як будзе ў нас размяшчацца «Вагнер». І гэтыя здымкі з космасу, што мы нешта дэмантуем…
Чаму мы лішнія палаткі прыбіраем — столькі не трэба. Тут застаецца ядро, хтосьці з'ехаў у адпачынак, хтосьці наогул вырашыў жыць убаку, але тэлефоны, адрасы, паролі, яўкі ў гэтым ядры вядомыя.
Цягам некалькіх дзён усе будуць тут, да 10 тысяч чалавек. Цяпер няма неабходнасці іх тут трымаць. Таму нікуды яны не бягуць. Столькі, колькі нам трэба і гэтаму падраздзяленню, яны будуць у нас жыць і працаваць».
У Крамлі адказалі, ці пойдзе Пуцін на пахаванне Прыгожына
«Чалавек складанага лёсу, і памылкі ў яго былі сур'ёзныя ў жыцці». Пуцін выказаў шматслоўныя спачуванні сям'і Прыгожына
Раней «на іх драчылі», а «цяпер нашы ССА абклалі гэты лагер з усіх бакоў». Беларускія афіцэры расказалі пра апошнія навіны вакол «Вагнера»
«Уся гэта вайна нам нах** не патрэбна». Смерць Прыгожына адбілася на настроях беларускіх і расійскіх прапагандыстаў
«Пуцін не даруе». Аналітыкі пра інцыдэнт з Прыгожыным і будучыню вагнераўцаў у Беларусі
«Было адчуванне, што пасля бунту ён дрэнна скончыць». Блізкія да Крамля крыніцы — пра магчымую гібель Прыгожына
Вось чаго вартыя гарантыі бяспекі, дадзеныя Лукашэнкам — Ціханоўская
«Я прыехала ў 4:50 і была ў чарзе 77-я». Як рыэлтарка набывала для сяброўкі кватэру ў элітным ЖК Мінска9
Каментары