У Рызе абслугоўванне ліфтаў у шматкватэрных дамах становіцца ўсё сур'ёзнейшай праблемай, бо ў дамах, пабудаваных за савецкім часам, устаноўлены ліфты беларускай вытворчасці, заявіў агенцтву LETA старшыня праўлення Rīgas namu pārvaldnieks (RNP) Марыс Озаліньш, піша Delfi.lv.
«Гэта праблема. Усе ліфты дамоў, пабудаваных за савецкім часам, вырабленыя ў Беларусі на магілёўскім заводзе, у якога пасля ўвядзення санкцый мы нічога не можам купіць», — сказаў Озаліньш.
Цяпер дэталі, неабходныя для рамонту, заказваюцца ў іншым месцы, але гэта даражэй. Таксама ёсць дамы, у якіх карысней было б замяніць ліфты на новыя, а не рамантаваць іх. Аднак ліфты іншых вытворцаў маюць іншыя тэхнічныя параметры, а гэта азначае, што, напрыклад, праёмы ліфтаў ва ўсім будынку прыйдзецца перарабляць.
Таксама праз тое, што дэталі ліфтаў з Магілёўскага завода ўсё менш даступныя на рынку, ліфты, магчыма, давядзецца замяняць, нават калі цяперашнія яшчэ можна адрамантаваць.
«Гэта будзе вельмі шырокая ў фінансавым сэнсе праграма. Тут мы нават папрасілі б падтрымкі ў Рыжскай думы, бо такая сітуацыя паўстане адначасова ў многіх дамах», — сказаў Озаліньш.
У шматкватэрных дамах Рыгі ўстаноўлена больш за 1000 ліфтаў, а кошт замены аднаго з іх, паводле даных домакіраўніцтва, складае каля 50 000 еўра.
На беразе вадасховішча Дразды пабудавалі незвычайны будынак. Што ў ім
«Калі я прынёс гэтыя талеркі, ва ўсіх былі круглыя вочы: «Ваў!». Дырэктар гатэля «Еўропа» расказаў пра вар'яцкі крэатыў, з якім ён рэфармуе ўстанову
«Адчуваем сябе як у метро!» У што ўвасобілася анансаванае ўпрыгажэнне калон унутры Камароўскага рынку
Усё здарылася на Новы год. Смерць самай публічнай супрацоўніцы мінскага АМАПа дагэтуль пакідае пытанні14
Каментары