U Ryzie absłuhoŭvańnie liftaŭ u šmatkvaternych damach stanovicca ŭsio surjoźniejšaj prablemaj, bo ŭ damach, pabudavanych za savieckim časam, ustanoŭleny lifty biełaruskaj vytvorčaści, zajaviŭ ahienctvu LETA staršynia praŭleńnia Rīgas namu pārvaldnieks (RNP) Marys Ozalińš, piša Delfi.lv.
«Heta prablema. Usie lifty damoŭ, pabudavanych za savieckim časam, vyrablenyja ŭ Biełarusi na mahiloŭskim zavodzie, u jakoha paśla ŭviadzieńnia sankcyj my ničoha nie možam kupić», — skazaŭ Ozalińš.
Ciapier detali, nieabchodnyja dla ramontu, zakazvajucca ŭ inšym miescy, ale heta daražej. Taksama jość damy, u jakich karyśniej było b zamianić lifty na novyja, a nie ramantavać ich. Adnak lifty inšych vytvorcaŭ majuć inšyja techničnyja paramietry, a heta aznačaje, što, naprykład, prajomy liftaŭ va ŭsim budynku pryjdziecca pierarablać.
Taksama praz toje, što detali liftaŭ z Mahiloŭskaha zavoda ŭsio mienš dastupnyja na rynku, lifty, mahčyma, daviadziecca zamianiać, navat kali ciapierašnija jašče možna adramantavać.
«Heta budzie vielmi šyrokaja ŭ finansavym sensie prahrama. Tut my navat paprasili b padtrymki ŭ Ryžskaj dumy, bo takaja situacyja paŭstanie adnačasova ŭ mnohich damach», — skazaŭ Ozalińš.
U šmatkvaternych damach Ryhi ŭstanoŭlena bolš za 1000 liftaŭ, a košt zamieny adnaho ź ich, pavodle danych domakiraŭnictva, składaje kala 50 000 jeŭra.
Na bierazie vadaschovišča Drazdy pabudavali niezvyčajny budynak. Što ŭ im
«Kali ja prynios hetyja talerki, va ŭsich byli kruhłyja vočy: «Vaŭ!». Dyrektar hatela «Jeŭropa» raskazaŭ pra varjacki kreatyŭ, ź jakim jon refarmuje ŭstanovu
«Adčuvajem siabie jak u mietro!» U što ŭvasobiłasia anansavanaje ŭpryhažeńnie kałon unutry Kamaroŭskaha rynku
Usio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni14
Kamientary