Кіно22

Барбенгеймер: «Барбі» перамагла «Апенгеймера» (але ў выйгрышы ўвесь Галівуд)

Кінакамедыя «Барбі», дзеянне якой адбываецца ў свеце дзіцячых цацак, стала пераможцам у бітве за глядацкія сімпатыі з фільмам «Апенгеймер», які распавядае пра стваральніка амерыканскай ядзернай бомбы. Супрацьстаянне гэтых дзвюх стужак, якія выйшлі ў пракат у адзін дзень, 21 ліпеня, атрымала неафіцыйную назву «Барбенгеймер» і стала знакам вяртання цікавасці гледачоў да кінаіндустрыі пасля пандэміі каранавіруса, піша Бі-бі-сі.

Марго Робі (выканаўца ролі Барбі) на знакамітай плошчы кінатэатраў Лестэр-Сквер у Лондане. 12 ліпеня 2023 года. Фота: Photo by Wiktor Szymanowicz/Anadolu Agency via Getty Images 

Паводле звестак кампаніі Warner Bros, пасля першага ўікэнду пракату «Барбі» стаў самым паспяховым фільмам у ЗША і Канадзе і сабраў у гэтых краінах за пятніцу, суботу і нядзелю 155 млн даляраў. Пры гэтым нашмат сур'ёзнейшы «Апенгеймер» за гэтыя ж тры дні выручыў у ЗША 92,7 млн даляраў, паведамляе кампанія Universal Pictures, якая выпусціла яго.

Ва ўсім свеце поспех «Барбі» быў яшчэ ўражальнейшым: зборы яркай камедыі рэжысёра Грэты Гервіг з Марго Робі і Раянам Гослінгам у галоўных ролях склалі 337 млн даляраў. Пры гэтым гледачы ва ўсіх краінах заплацілі за квіткі на «Апенгеймер» 174 млн даляраў.

Як адзначае агенцтва Reuters, два фільмы — гэта практычна поўная супрацьлегласць адзін аднаму: калі дзеянне фільма «Барбі» адбываецца ў свеце цацак, то трохгадзінны «Апенгеймер» (яго хронаметраж на гадзіну большы, чым у канкурэнта) рэжысёра Крыстафера Нолана распавядае драматычную гісторыю навукоўца, які стаў бацькам амерыканскай ядзернай бомбы.

Але падобная арыентацыя на досыць розныя аўдыторыі прывяла да рэзкага ўсплёску глядацкай цікавасці да кіно ў цэлым.

Праблемы кінаіндустрыі

Да выхаду гэтых двух фільмаў продажы квіткоў у кіно гэтым летам былі даволі слабымі: стужка пра супергероя «Флэш» правалілася, чарговая серыя эпапеі «Індыяна Джонс» паказала сябе не занадта добра, а вынікі сёмага з ліку фільма «Місія невыканальная» выявіліся ніжэйшымі за чаканні.

У Галівудзе таксама пачалася забастоўка аўтараў сцэнароў і акцёраў, якая перашкаджае кінавытворчасці (некаторыя выканаўцы роляў у «Апенгеймеры» пайшлі страйкаваць проста падчас прэм'еры фільма).

Усё гэта адбываецца на фоне агульнага змяншэння колькасці людзей, якія наведваюць кінатэатры: апошнім усё цяжэй вытрымліваць канкурэнцыю са стрымінгавымі сэрвісамі.

Але «Барбенгеймер» дапамог трохі палепшыць сітуацыю.

Паводле даных Амерыканскай Асацыяцыі ўладальнікаў кінатэатраў, больш за 200 тысяч амерыканцаў купілі квіткі, каб паглядзець абодва фільмы за адзін дзень.

Маркетынгавая кампанія «Барбі» пры гэтым была нашмат агрэсіўнейшай: на рынак выпусцілі сотні тэматычных прадуктаў, а некаторыя будынкі ў Лондане ў гонар прэм'еры былі падсвечаны ружовым колерам. Многія гледачы прыходзілі паглядзець фільм у ружовай вопратцы.

«Прыйшлі ўсе, — цытуе Reuters эксперта ў галіне кінабізнэсу Джэфа Бока з кампаніі Exhibitor Relations Co. — Паглядзець гэтыя два фільмы захацелі прадстаўнікі ўсіх слаёў насельніцтва — і гэта менавіта тое, што трэба Галівуду».

Каментары2

  • важнейшим из искусств для нас является НЕ кино ! (антиленина)
    24.07.2023
    але ў выйгрышы ўвесь Галівуд

    больш у кінатэарт ні нагой
  • :
    24.07.2023
    США правят миром. Так что Россия должна смириться, что у нее не будет своего Голливуда.

Як за 20 кіламетраў ад Беларусі праходзіць фестываль Tutaka ШМАТ ФОТА6

Як за 20 кіламетраў ад Беларусі праходзіць фестываль Tutaka ШМАТ ФОТА

Усе навіны →
Усе навіны

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

У гонар беларускага байца назвалі вуліцу ва ўкраінскім Канатопе1

Буданаў пра пагрозу наступу РФ з поўначы: Катастрофы няма, але не бачыць праблем не атрымаецца2

Заўтра ў Беларусі будзе да +35°С, але ў Мінску «ўсяго» +30°С3

больш чытаных навін
больш лайканых навін

Як за 20 кіламетраў ад Беларусі праходзіць фестываль Tutaka ШМАТ ФОТА6

Як за 20 кіламетраў ад Беларусі праходзіць фестываль Tutaka ШМАТ ФОТА

Галоўнае
Усе навіны →