Амерыканскія футбалісткі Ліндсі Хоран, Сафія Сміт і Трыніці Голдман святкуюць гол апошняй у вароты Уэльса. 9 ліпеня 2023 года, таварыская гульня паміж ЗША і Уэльсам. Фота: AP Photo / Josie Lepe

Амерыканскія футбалісткі Ліндсі Хоран, Сафія Сміт і Трыніці Голдман святкуюць гол апошняй у вароты Уэльса. 9 ліпеня 2023 года, таварыская гульня паміж ЗША і Уэльсам. Фота: AP Photo / Josie Lepe

Алекс Морган (ЗША)

Морган на полі падчас таварыскай гульні з Ірландыяй, 11 красавіка 2023 года. Фота: AP Photo / Jeff Roberson, File

Морган на полі падчас таварыскай гульні з Ірландыяй, 11 красавіка 2023 года. Фота: AP Photo / Jeff Roberson, File

Цяжка ўявіць жаночы футбольны топ-спіс без гэтай амерыканкі. 34-гадовая Морган — нападаючая амерыканскага клуба San Diego Wave FC, які гуляе ў найвышэйшай лізе прафесійнага жаночага футбола ў ЗША, а таксама зорка нацыянальнай зборнай. У абедзвюх камандах Алекс — капітан.

Фота: @alexmorgan13 / Instagram

Фота: @alexmorgan13 / Instagram

У зборнай Морган празвалі «Конікам» за яе хуткасць, стыль бегу і маладосць. Яна чэмпёнка Алімпіяды-2012, двухразовая чэмпіёнка свету (2015 і 2019 гады), а таксама віцэ-чэмпіёнка свету — 2011. Яшчэ адзін цікавы паказчык — па стане на ліпень 2023 года Алекс з’яўляецца самай папулярнай у сацсетках амерыканскай футбалісткай, бо яе акаўнт у інстаграме мае 10 мільёнаў падпісантаў.

Фота: Richard Shotwell / Invision / AP, File

Фота: Richard Shotwell / Invision / AP, File

Морган — веганка. Яна замужам, і свайго каханага сустрэла на футбольным полі: Сэрванда Караска грае ў клубе Fort Lauderdale CF з трэцяй амерыканскай лігі. Футбалістка шмат здымалася ў рэкламе і была аўтаркай серыі дзіцячых кніг The Kicks пра чатырох дзяўчатак-футбалістак. У 2015 годзе Time прызнаў яе адной з самых высокааплатных амерыканскіх футбалістак.

Джардын Уітэма (Канада)

Фота: AP Photo / Marcio Jose Sanchez

Фота: AP Photo / Marcio Jose Sanchez

Высокай спартоўцы ўсяго 22 гады, але ў яе ўжо хапае дасягненняў. Разам з канадскай зборнай Джардын стала ў 2020-м алімпійскай чэмпіёнкай, разам з французскім «Пары Сэн-Жэрмэн» — чэмпіёнкай Францыі ў сезоне 2020/21 і ўладальніцай Кубку краіны ў сезоне 2021/22.

Фота: @jordynhuitema / Instagram

Фота: @jordynhuitema / Instagram

Цяпер Уітэма, якую лічаць адной з найталенавіцейшых маладых футбалістак свету, гуляе ў амерыканскім клубе OL Reign. А свой шлях у футбол яна пачала яшчэ ў чатыры гады у родным горадзе Чылівак. Гуляла не толькі з дзяўчатамі, але і з хлопцамі: Джардын перайшла ў хлапечую каманду, калі ёй было дзесяць, бо ўзровень дзявочай каманды быў занадта нізкі для яе.

Фота: AP Photo / Phelan M. Ebenhack

Фота: AP Photo / Phelan M. Ebenhack

Але ў сеціве дзяўчыну ведаюць не толькі па гэтым. Уітэма сустракалася з зоркай «Баварыі» і канадскай мужчынскай зборнай Альфонса Дэвісам, але ж той, па сцверджанні дзяўчыны, здрадзіў ёй. 

Фота: @jordynhuitema / Instagram

Фота: @jordynhuitema / Instagram

На месца Дэвіса прыйшоў іншы зорны спартовец, праўда, цяпер са свету бейсбола. Новы каханы бландынкі — дамініканец Хуліа Радрыгес.

Мелані Лойпальц (Германія)

Фота: Harriet Lander — Chelsea FC / Chelsea FC via Getty Images

Фота: Harriet Lander — Chelsea FC / Chelsea FC via Getty Images

Абаяльная немка ў 2013 годзе стала чэмпіёнкай Еўропы, хаця не адыграла за зборную ні адной гульні. Затое ў 2016 годзе Лойпальц выходзіла за нацыяналку на Алімпіядзе ў Рыа, дзе дапамагла сваёй камандзе здабыць золата.

Фота: Daniel Karmann / picture alliance via Getty Images 

Фота: Daniel Karmann / picture alliance via Getty Images 

На клубным узроўні ў 29-гадовай футбалісткі ўсё таксама няблага. Разам з «Чэлсі» яна дабіралася да фіналу жаночай Лігі Чэмпіёнаў — 2021, а цяпер, магчыма, дадасць да сваіх узнагарод і медаль сёлетняга жаночага чэмпіянату свету.

Фота: Matthias Hangst / Getty Images

Фота: Matthias Hangst / Getty Images

Мелані супрацоўнічае з арганізацыяй World Vision, якая дапамагае дзецям атрымаць доступ да пітнай вады, здаровага харчавання, медыцынскага абслугоўвання і адукацыі. Праз яе спонсары могуць станавіцца «хроснымі бацькамі» дзяцей з нешчаслівых краін свету і фінансаваць задавальненне іх патрэбаў.

Фота: Harriet Lander — Chelsea FC/Chelsea FC via Getty Images

Фота: Harriet Lander — Chelsea FC/Chelsea FC via Getty Images

Каханы Лойпальц яшчэ больш знакаміты, чым яна сама. Меркавана, у яе раман з Самі Хедзірам, экс-гульцом мадрыдскага «Рэала» і «Ювентуса», дзясятым футбалістам у гісторыі, які за адзін сезон выйграў і Лігу чэмпіёнаў, і чэмпіянат свету. Хедзіру таксама называюць бацькам сына Мелані, які нарадзіўся ў канцы 2022 года.

Аліша Леман (Швейцарыя)

Фота: AP Photo / Mindaugas Kulbis

Фота: AP Photo / Mindaugas Kulbis

У багажы гэтай спартоўкі з мадэльнай знешнасцю пакуль што няма сапраўды топавых узнагародаў (але цяперашні чэмпіянат можа ўсё змяніць). Нападаючая «Астан Вілы» і швейцарскай нацыяналкі дабіралася да фіналу юнацкага ЧЕ-2015, а таксама, разам з «Вест Хэмам», да фіналу Кубка Англіі сезону 2018/2019 — і пакуль усё.

Фота: @alishalehmann7 / Instagram

Фота: @alishalehmann7 / Instagram

Затое Леман надзвычай папулярная ў сацсетках. У інстаграме на яе падпісаныя больш за 14 мільёнаў чалавек, што робіць дзяўчыну найлепшай па гэтым паказчыку сярод футбалістак свету.

Фота: @alishalehmann7 / Instagram

Фота: @alishalehmann7 / Instagram

Аліша часта трапляла ў стужкі навін праз яе раманы. Леман — адкрытая бісэксуалка і раней сустракалася з партнёркай па зборнай Рамонай Бахман.

Фота: @alishalehmann7 / Instagram

Фота: @alishalehmann7 / Instagram

Потым у яе жыцці з'явіўся Дуглас Луіс, футбаліст мужчынскай «Астан Вілы». Але, наколькі вядома, цяпер сэрца швейцаркі вольнае.

Ава Колінз (Новая Зеландыя)

Фота: AP Photo / Lee Jin-man

Фота: AP Photo / Lee Jin-man

21-гадовая Колінз — новы твар у сусветным жаночым футболе. Яна грае за амерыканскую студэнцкую каманду St. John’s WSOC і мае добрую будучыню на нацыянальным узроўні — ва ўсякім разе, дзяўчына заручылася даверам трэнеркі мясцовай зборнай Йіткі Клімкавай.

Фота: avacollins / Instagram

Фота: avacollins / Instagram

Ава разумная дзяўчына. Аднойчы, напрыклад, яна прадставіла 15-хвілінную прамову па тэме экзістэнцыялізму на французскай мове.

Фота: avacollins / Instagram

Фота: avacollins / Instagram

Колінз родам з навазеландскага Окленда, але цяпер жыве ў Нью-Ёрку. Там яна вывучае французскую мову, кіно і тэлебачанне. Дзяўчына прызнаецца, што любіць гаварыць пра французскую філосафку Сімону дэ Бавуар — незвычайны выбар для футбалісткі!

Фота: avacollins / Instagram

Фота: avacollins / Instagram

У будучыні навазеландка марыць гуляць у прафесійным французскім клубе, праўда, трэба яшчэ папрацаваць над мовай. Колінз прызнаецца, што ў яе ўменні гаварыць па-французску і разумець гэтую мову на слых ёсць недапрацоўкі.

Чытайце таксама:

Вірусная французская рэклама паказвае, што жаночы футбол можа быць настолькі ж захапляльным, як і мужчынскі

У чым феномен футбола ў Саудаўскай Аравіі, куды за Раналду ламануліся топавыя еўрапейцы

Сціплы геній з іспанскай вёскі. Хто такі Карлас Алькарас — малады пераможца Уімблдана

Клас
43
Панылы сорам
0
Ха-ха
3
Ого
0
Сумна
0
Абуральна
4

Хочаш падзяліцца важнай інфармацыяй ананімна і канфідэнцыйна?