Sport1212

Ad Šviejcaryi da Novaj Ziełandyi. Piać krutych futbalistak z žanočaha čempijanatu śvietu

U Aŭstralii i Novaj Ziełandyi siońnia raspačynajecca žanočy čempijanat śvietu pa futbole. Raskazvajem pra piać spartovak, čyja prysutnaść na poli zrobić hety turnir bolš jarkim (ale nasamreč ich tam našmat bolš).

Amierykanskija futbalistki Lindsi Choran, Safija Śmit i Trynici Hołdman śviatkujuć hoł apošniaj u varoty Uelsa. 9 lipienia 2023 hoda, tavaryskaja hulnia pamiž ZŠA i Uelsam. Fota: AP Photo / Josie Lepe

Aleks Morhan (ZŠA)

Morhan na poli padčas tavaryskaj hulni ź Irłandyjaj, 11 krasavika 2023 hoda. Fota: AP Photo / Jeff Roberson, File

Ciažka ŭjavić žanočy futbolny top-śpis biez hetaj amierykanki. 34-hadovaja Morhan — napadajučaja amierykanskaha kłuba San Diego Wave FC, jaki hulaje ŭ najvyšejšaj lizie prafiesijnaha žanočaha futboła ŭ ZŠA, a taksama zorka nacyjanalnaj zbornaj. U abiedźviuch kamandach Aleks — kapitan.

Fota: @alexmorgan13 / Instagram

U zbornaj Morhan prazvali «Konikam» za jaje chutkaść, styl biehu i maładość. Jana čempionka Alimpijady-2012, dvuchrazovaja čempijonka śvietu (2015 i 2019 hady), a taksama vice-čempijonka śvietu — 2011. Jašče adzin cikavy pakazčyk — pa stanie na lipień 2023 hoda Aleks źjaŭlajecca samaj papularnaj u sacsietkach amierykanskaj futbalistkaj, bo jaje akaŭnt u instahramie maje 10 miljonaŭ padpisantaŭ.

Fota: Richard Shotwell / Invision / AP, File

Morhan — viehanka. Jana zamužam, i svajho kachanaha sustreła na futbolnym poli: Servanda Karaska hraje ŭ kłubie Fort Lauderdale CF z treciaj amierykanskaj lihi. Futbalistka šmat zdymałasia ŭ rekłamie i była aŭtarkaj sieryi dziciačych knih The Kicks pra čatyroch dziaŭčatak-futbalistak. U 2015 hodzie Time pryznaŭ jaje adnoj z samych vysokaapłatnych amierykanskich futbalistak.

Džardyn Uitema (Kanada)

Fota: AP Photo / Marcio Jose Sanchez

Vysokaj spartoŭcy ŭsiaho 22 hady, ale ŭ jaje ŭžo chapaje dasiahnieńniaŭ. Razam z kanadskaj zbornaj Džardyn stała ŭ 2020-m alimpijskaj čempijonkaj, razam z francuzskim «Pary Sen-Žermen» — čempijonkaj Francyi ŭ siezonie 2020/21 i ŭładalnicaj Kubku krainy ŭ siezonie 2021/22.

Fota: @jordynhuitema / Instagram

Ciapier Uitema, jakuju ličać adnoj z najtalenaviciejšych maładych futbalistak śvietu, hulaje ŭ amierykanskim kłubie OL Reign. A svoj šlach u futboł jana pačała jašče ŭ čatyry hady u rodnym horadzie Čylivak. Hulała nie tolki ź dziaŭčatami, ale i z chłopcami: Džardyn pierajšła ŭ chłapiečuju kamandu, kali joj było dziesiać, bo ŭzrovień dziavočaj kamandy byŭ zanadta nizki dla jaje.

Fota: AP Photo / Phelan M. Ebenhack

Ale ŭ siecivie dziaŭčynu viedajuć nie tolki pa hetym. Uitema sustrakałasia z zorkaj «Bavaryi» i kanadskaj mužčynskaj zbornaj Alfonsa Devisam, ale ž toj, pa śćvierdžańni dziaŭčyny, zdradziŭ joj. 

Fota: @jordynhuitema / Instagram

Na miesca Devisa pryjšoŭ inšy zorny spartoviec, praŭda, ciapier sa śvietu biejsboła. Novy kachany błandynki — daminikaniec Chulia Radryhies.

Miełani Łojpalc (Hiermanija)

Fota: Harriet Lander — Chelsea FC / Chelsea FC via Getty Images

Abajalnaja niemka ŭ 2013 hodzie stała čempijonkaj Jeŭropy, chacia nie adyhrała za zbornuju ni adnoj hulni. Zatoje ŭ 2016 hodzie Łojpalc vychodziła za nacyjanałku na Alimpijadzie ŭ Rya, dzie dapamahła svajoj kamandzie zdabyć zołata.

Fota: Daniel Karmann / picture alliance via Getty Images 

Na kłubnym uzroŭni ŭ 29-hadovaj futbalistki ŭsio taksama niabłaha. Razam z «Čełsi» jana dabirałasia da finału žanočaj Lihi Čempijonaŭ — 2021, a ciapier, mahčyma, dadaść da svaich uznaharod i miedal sioletniaha žanočaha čempijanatu śvietu.

Fota: Matthias Hangst / Getty Images

Miełani supracoŭničaje z arhanizacyjaj World Vision, jakaja dapamahaje dzieciam atrymać dostup da pitnaj vady, zdarovaha charčavańnia, miedycynskaha absłuhoŭvańnia i adukacyi. Praź jaje sponsary mohuć stanavicca «chrosnymi baćkami» dziaciej ź nieščaślivych krain śvietu i finansavać zadavalnieńnie ich patrebaŭ.

Fota: Harriet Lander — Chelsea FC/Chelsea FC via Getty Images

Kachany Łojpalc jašče bolš znakamity, čym jana sama. Mierkavana, u jaje raman z Sami Chiedziram, eks-hulcom madrydskaha «Reała» i «Juvientusa», dziasiatym futbalistam u historyi, jaki za adzin siezon vyjhraŭ i Lihu čempijonaŭ, i čempijanat śvietu. Chiedziru taksama nazyvajuć baćkam syna Miełani, jaki naradziŭsia ŭ kancy 2022 hoda.

Ališa Leman (Šviejcaryja)

Fota: AP Photo / Mindaugas Kulbis

U bahažy hetaj spartoŭki z madelnaj źniešnaściu pakul što niama sapraŭdy topavych uznaharodaŭ (ale ciapierašni čempijanat moža ŭsio źmianić). Napadajučaja «Astan Viły» i šviejcarskaj nacyjanałki dabirałasia da finału junackaha ČIE-2015, a taksama, razam z «Viest Chemam», da finału Kubka Anhlii siezonu 2018/2019 — i pakul usio.

Fota: @alishalehmann7 / Instagram

Zatoje Leman nadzvyčaj papularnaja ŭ sacsietkach. U instahramie na jaje padpisanyja bolš za 14 miljonaŭ čałaviek, što robić dziaŭčynu najlepšaj pa hetym pakazčyku siarod futbalistak śvietu.

Fota: @alishalehmann7 / Instagram

Ališa časta traplała ŭ stužki navin praź jaje ramany. Leman — adkrytaja biseksuałka i raniej sustrakałasia z partniorkaj pa zbornaj Ramonaj Bachman.

Fota: @alishalehmann7 / Instagram

Potym u jaje žyćci źjaviŭsia Duhłas Łuis, futbalist mužčynskaj «Astan Viły». Ale, nakolki viadoma, ciapier serca šviejcarki volnaje.

Ava Kolinz (Novaja Ziełandyja)

Fota: AP Photo / Lee Jin-man

21-hadovaja Kolinz — novy tvar u suśvietnym žanočym futbole. Jana hraje za amierykanskuju studenckuju kamandu St. John's WSOC i maje dobruju budučyniu na nacyjanalnym uzroŭni — va ŭsiakim razie, dziaŭčyna zaručyłasia davieram trenierki miascovaj zbornaj Jitki Klimkavaj.

Fota: avacollins / Instagram

Ava razumnaja dziaŭčyna. Adnojčy, naprykład, jana pradstaviła 15-chvilinnuju pramovu pa temie ekzistencyjalizmu na francuzskaj movie.

Fota: avacollins / Instagram

Kolinz rodam z navaziełandskaha Oklenda, ale ciapier žyvie ŭ Ńju-Jorku. Tam jana vyvučaje francuzskuju movu, kino i telebačańnie. Dziaŭčyna pryznajecca, što lubić havaryć pra francuzskuju fiłosafku Simonu de Bavuar — niezvyčajny vybar dla futbalistki!

Fota: avacollins / Instagram

U budučyni navaziełandka maryć hulać u prafiesijnym francuzskim kłubie, praŭda, treba jašče papracavać nad movaj. Kolinz pryznajecca, što ŭ jaje ŭmieńni havaryć pa-francuzsku i razumieć hetuju movu na słych jość niedapracoŭki.

«Naša Niva» — bastyjon biełaruščyny

PADTRYMAĆ

Kamientary12

  • mikola
    20.07.2023
    Jakija cudounyja Futbalistki  ! Im by u kine grac u dobryh filmah.....Udaczy Im ! Budzem gljadzec  cikavy Futbol !
  • Acab
    20.07.2023
    Rahaču
  • Ała Śviryna.
    20.07.2023
    Fublanach.
    Mnie nraviatsia tolko mužčiny.

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy19

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel2

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask30

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?6

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →