Грамадства99

Па БТ паказалі, як жывуць палітычныя ў шклоўскай калоніі. Былыя палітвязні тлумачаць, што гэта насамрэч за корпус

Лукашэнкаўскія прапагандысты ўчора выклалі фільм пра папраўчую калонію №17, у якім адмаўлялі існаванне палітвязняў і ўсхвалялі ўмовы ўтрымання. Аднак былыя палітвязні раскрылі «Нашай Ніве» тую інфармацыю, якую прапаганда старанна спрабавала схаваць.

Прапагандыстка БТ і палітвязень Дзмітрый Лукша ў будынку першага атрада шклоўскай калоніі. Cкрын відэа БТ

Па БТ паказалі папраўчую калонію №17 у Шклове, дзе пры таямнічых абставінах загінуў палітвязень Вітольд Ашурак і адкуль нядаўна збегла доктарка, якая магла мець дачыненне да яго смерці. Экскурсію па ўстанове ўзялі правесці палітвязня Дзмітрыя Лукшу, які раней быў вядучым на БТ.

У кадры — адрамантаваны корпус.

Некалькі былых вязняў шклоўскай калоніі па просьбе «Нашай Нівы» азнаёміліся з прапагандысцкім фільмам. 

Яны звярнулі ўвагу, што для дэманстрацыі «выдатных умоў утрымання» асуджаных БТ выкарыстала памяшканне першага атрада калоніі, які знаходзіцца літаральна праз дзверы ад адміністрацыі ў будынку штаба і які не працуе ў прамысловай зоне.

«Першы атрад разам з другім знаходзяцца ў будынку штаба, і асуджаныя з гэтага атрада абслугоўваюць і кантралююць такія «цёплыя» месцы ў калоніі, як штаб, каранцін, пакой доўгатэрміновых і кароткіх спатканняў, царкву, спартзалу і іншае. 

Яны не ведаюць, што такое праца на прамысловай зоне, у гэтым атрадзе жыве асноўная частка стукачоў і іншых карысных для адміністрацыі людзей. У якасці падзякі за службу і такія ўмовы ўтрымання», — дзеліцца адзін з былых палітвязняў.

Іншы былы зняволены адзначае фразу аднаго з герояў фільма, што быццам бы ніякай дадатковай увагі і перадузятых адносін да носьбітаў жоўтых бірак няма і што палітычныя разам з іншымі асуджанымі знаходзяцца ў аднолькавых умовах.

На яго думку, адміністрацыя шклоўскай калоніі і прапагандысты прымусілі палітвязняў на відэа сказаць гэтую і іншыя фармулёўкі, а сам фільм уяўляе сабой нішто іншае, як «сапраўдны цырк».

«Так, жоўтыя біркі носяць не толькі палітвязні, а і іншыя асуджаныя з прафулікам. Аднак пры гэтым менавіта людзям з 10-м «экстрэмісцкім» прафулікам, які ёсць абсалютна ва ўсіх палітвязняў і толькі ў іх, абмяжоўваюць наведванне царквы, спортгарадка, бібліятэкі, чамусьці менавіта нам не давалі нават заказных лістоў з прычыны «цынічнага характару» зместу ў любым з іх.

Складана і вельмі смешна было гэты фільм глядзець. А палітычных, якіх там паказалі, проста прымусілі сказаць тое, што яны сказалі. Паверце, там для гэтага ёсць шмат розных метадаў», — распавёў нам іншы былы палітвязень.

Пра тое, што менавіта ў гэтай калоніі загінуў Вітольд Ашурак, у фільме нічога не сказалі.

Нагадаем, што масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.

З 2022 года, пасля поўнамаштабнага нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.

За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў. Сувязі з некаторымі вязнямі няма месяцамі.

«Наша Нiва» — бастыён беларушчыны

ПАДТРЫМАЦЬ

Каментары9

  • даведка
    08.07.2023
    [Рэд. выдалена]
  • Янка
    08.07.2023
    Звычайная гебельсаўшчына - дэманстраваць, як ў канцлягеры, дзе забіваюць палітвязняў, добра і як ён "перакоўвае" нязгодных. Першым у гэтым жанры быў азвяронак са сваім хлуслівым кіно з Акрэсціна. Зараз гэтая тэлепрастытутка ў вялізарных акулярах. Спадзяюся, што абодзьва з іх яшчэ адкажуць на спецыяльным працэсе над прапагандыстамі дыктатуры.
  • даведка
    08.07.2023
    Нас тоже как-то во время срочной службы направили в наше же подразделение в другом городе, где наш офицер сказал нам подождать в их "красном уголке" (ленинской комнате), где было всё чистенько и сияло, как показушные помещения колонии на кадрах БТ, но уже через несколько минут нас чуть прямо там не убил тамошний командир, увидевший, что мы вздумали туда зайти и присесть на мягкие диванчики...

Стала вядома пра арышт гісторыка Ігара Мельнікава11

Стала вядома пра арышт гісторыка Ігара Мельнікава

Усе навіны →
Усе навіны

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі21

У возеры Свіцязь забаранілі купацца. У чым прычына?

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку6

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

Пуцін зрабіў Z-спевака Шамана заслужаным артыстам Расіі5

больш чытаных навін
больш лайканых навін

Стала вядома пра арышт гісторыка Ігара Мельнікава11

Стала вядома пра арышт гісторыка Ігара Мельнікава

Галоўнае
Усе навіны →