Ва Украіне знайшлі восем брытанскіх знішчальнікаў часоў Другой сусветнай. Савецкія ўлады закапалі іх у лесе, каб не плаціць за ленд-ліз
У лесе пад Кіевам раскапалі восем брытанскіх знішчальнікаў Hurricane часоў Другой сусветнай вайны. Іх пастаўка ў СССР аплачвалася ЗША па ленд-лізе. Усяго ў Савецкі Саюз было пастаўлена 3000 такіх самалётаў. Большасць іх была збітая падчас паветраных баёў ці пайшла на запчасткі.
Аднак некаторыя з іх былі зламаныя наўмысна і закапаныя пасля вайны, каб не плаціць за гэтую тэхніку ЗША. Згодна з умовамі ленд-лізу, краіна была абавязаная заплаціць за спраўнае ўзбраенне, якое засталося ва ўласнасці савецкага войска.
Як піша BBC, знойдзеныя Hurricane апынуліся пад зямлёй менавіта з гэтай прычыны. Па сутнасці, пахаваныя самалёты ўяўлялі сабой голыя каркасы. З іх было знята ўсё абсталяванне, радыёстанцыі, кулямёты і нават металічныя часткі, якія маглі пайсці на пераплаўку. Яны былі знойдзеныя з дапамогай металашукальнікаў пасля таго, як непадалёк выявілі бомбу, якая не ўзарвалася з часоў Другой сусветнай вайны.
Каментары