Va Ukrainie znajšli vosiem brytanskich źniščalnikaŭ časoŭ Druhoj suśvietnaj. Savieckija ŭłady zakapali ich u lesie, kab nie płacić za lend-liz
U lesie pad Kijevam raskapali vosiem brytanskich źniščalnikaŭ Hurricane časoŭ Druhoj suśvietnaj vajny. Ich pastaŭka ŭ SSSR apłačvałasia ZŠA pa lend-lizie. Usiaho ŭ Saviecki Sajuz było pastaŭlena 3000 takich samalotaŭ. Bolšaść ich była źbitaja padčas pavietranych bajoŭ ci pajšła na zapčastki.
Adnak niekatoryja ź ich byli złamanyja naŭmysna i zakapanyja paśla vajny, kab nie płacić za hetuju techniku ZŠA. Zhodna z umovami lend-lizu, kraina była abaviazanaja zapłacić za spraŭnaje ŭzbrajeńnie, jakoje zastałosia va ŭłasnaści savieckaha vojska.
Jak piša BBC, znojdzienyja Hurricane apynulisia pad ziamloj mienavita z hetaj pryčyny. Pa sutnaści, pachavanyja samaloty ŭjaŭlali saboj hołyja karkasy. Ź ich było źniata ŭsio abstalavańnie, radyjostancyi, kulamioty i navat mietaličnyja častki, jakija mahli pajści na pierapłaŭku. Jany byli znojdzienyja z dapamohaj mietałašukalnikaŭ paśla taho, jak niepadalok vyjavili bombu, jakaja nie ŭzarvałasia z časoŭ Druhoj suśvietnaj vajny.
Kamientary