У судзе Маскоўскага раёна Брэста 16 мая асудзілі Генадзя Дарожкіна паводле арт. 369 (абраза прадстаўніка ўлады) Крымінальнага кодэкса. Суддзя Яўген Брэган прызначыў Генадзю тры месяцы арышту, піша «Вясна».
![](http://d3kcf2pe5t7rrb.cloudfront.net/img/w732d4webp1/photos/z_2023_06/sud-maskouskaha-raiona-bresta-eydq3.jpg.webp)
Генадзя абвінавацілі ў тым, што ён у студзені 2022 года ў тэлеграм-канале пакінуў абразлівы каментар у адрас намесніка камандзіра аператыўнай роты па ідэалагічнай рабоце і кадравым забеспячэнні атрада міліцыі асобага прызначэння УУС Брэсцкага аблвыканкама Р. Таксама Генадзь у лютым таго ж года пакінуў абразлівы каментар пад фотаздымкам у тэлеграм-канале ў адрас супрацоўніцы аператыўнай роты атрада міліцыі асобага прызначэння УУС Гродзенскага аблвыканкама Б.
Мужчына цалкам прызнаў сваю віну і раскаяўся ў здзейсненым.
Таксама суд прызначыў спагнаць з Генадзя ў якасці маральнай шкоды 2000 рублёў на карысць міліцыянткі Б., 200 рублёў з улікам раней сплочаных сродкаў на карысць міліцыянта Р. У мужчыны канфіскавалі мабільны тэлефон як сродак здзяйснення злачынства.
Каментары