Кім Кэтрал (Саманта) усё ж такі здымецца ў працягу фільма «Сэкс у вялікім горадзе»
Адсутнасць гераіні Кэтрал у папярэдніх серыях тлумачаць яе пераездам у Лондан.
Кім Кэтрал, якая адсутнічала ў адноўленым культавым серыяле «Сэкс у вялікім горадзе», пагадзілася сыграць у другім сезоне сіквела «І проста так», піша Бі-бі-сі.
Яна з'явіцца толькі ў адной сцэне фіналу серыяла, які здымае HBO.
Таксама стала вядома, што яна прамовіць сваю частку дыялогу ў кадры ў адсутнасць іншых зорак серыяла, у тым ліку і Сары Джэсікі Паркер.
Адсутнасць гераіні Кэтрал у папярэдніх серыях тлумачаць яе пераездам у Лондан.
У арыгінальным серыяле «Сэкс у вялікім горадзе» было шэсць сезонаў, якія трансляваліся з 1998 па 2004 год. Пасля да яго дадаліся два працягі.
Асноўная сюжэтная лінія — жыццё, праца і стасункі чатырох жанчын у Нью-Ёрку ў 1990-х і пачатку 2000-х гадоў.
Усе чатыры персанажы — Кэры, Саманта, Міранда і Шарлота, якіх сыгралі Сара Джэсіка Паркер, Кім Кэтрал, Сінція Ніксан і Крысцін Дэвіс, — сталі зоркамі.
Усе яны, акрамя Кэтрал, зноў з'явіліся на экранах у 2021 годзе ў працягу серыяла пад назвай «І проста так».
Афіцыйнага тлумачэння, чаму Кэтрал не з'явілася ў сіквеле, не было. Аднак казалі пра яе нацягнутыя адносіны з іншымі гераінямі і самім шоу.
У інтэрв'ю Пірсу Моргану ў 2017 годзе Кім заявіла, што яны «ніколі не былі сябрамі».
Яна апісала свае адносіны з імі як «таксічныя» і выключыла сваё з'яўленне ў трэцім працягу «Сэксу ў вялікім горадзе», адкінуўшы здагадкі аб тым, што гэта адбылося праз яе няўдалыя перамовы аб ганарары.
Яна таксама заявіла, што Сара Джэсіка Паркер магла б «паводзіць сябе лепш» у гэтай сітуацыі.
Раней прадзюсар працягу Майкл Патрык Кінг заяўляў, што ён не ўяўляе, як Кэтрал можа вярнуцца.
Але, як мяркуюць, ён мог змяніць сваё меркаванне пасля размовы з кіраўніком HBO Кейсі Блойс.
Другі сезон «І проста так» павінен выйсці на экраны ў чэрвені. А серыя, у якой сыграла Кэтрал, з'явіцца ў жніўні.
Фільм «II» рэжысёркі Улады Сяньковай можна паглядзець у анлайн-кінатэатры беларускага кіно Vodblisk
«Анатомія падзення»: фільм-пераможца Канскага кінафестывалю даследуе жыццё пары, у якім не ўсё так адназначна
Такешы Кітана супраць усіх. Фільм «Kubi» («Шыя») — жорсткая разня, у якой ніхто не варты спачування
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч7
Каментары