У скандал з цэнтралізаваным экзаменам свае пяць капеек уставіў Лукашэнка
Ва ўсім вінаватыя камп’ютары.
Аляксандр Лукашэнка пракаментаваў сёння скандал з вынікамі першага выпрабавання па ЦЭ, які 11-класнікі здавалі 14 мая.
«Цэлую бучу паднялі пасля адзінага цэнтралізаванага экзамену. Розуму не хапіла зрабіць проста і зразумела, каб падлічыць гэтыя балы. Яны пачалі нейкія статыстычныя лічбы выводзіць на камп'ютары.
Каму гэта патрэбна? Па-мойму, мы рабілі: ведаеш — тройка, вельмі добра ведаеш — чацвёрка, вельмі-вельмі добра — выдатна. А тут нейкія балы на камп’ютары вылічвалі», — сказаў ён.
Кіраўнік адміністрацыі Лукашэнкі, у сваю чаргу, заявіў, што той даручыў праверыць арганізацыю ЦЭ і разабрацца з кожнай скаргай.
Па словах Ігара Сергеенкі, сталі паступаць шматлікія звароты ад дзяцей і іх бацькоў у першую чаргу з просьбай патлумачыць сітуацыю з баламі і іх падлікамі.
«Пастаўленая задача арганізаваць праверку арганізацыі цэнтралізаваных экзаменаў, якія прайшлі ў маі ва ўсіх сярэдніх навучальных установах нашай краіны, углыбіцца ў гэты працэс, праверыць, удакладніць, якія вынікі атрымалі», — падкрэсліў Ігар Сергеенка.
У той жа час міністр адукацыі не прызнаў ані найменшых праблем, а ўсе паведамленні пра скандал з ЦЭ назваў фэйкам.
і
Мінадукацыі: Адзнакі на ЦЭ перагляду не падлягаюць. Апеляцыю падаць нельга
Скандал з ЦЭ: выпускнікі скардзяцца на памылкі ў выніках, абураныя школьнікі і іх бацькі абрываюць тэлефоны Мінадукацы
«Поўны фэйк». Міністр адукацыі пахваліўся поспехамі на цэнтралізаваным экзамене і не прызнаў ані найменшых праблем
«Сяргей» не адзін. Вось як КДБ прапануе зарабіць на сачэнні за беларускімі эмігрантамі2
Каментары