Грамадства99

Скандал з ЦЭ: выпускнікі скардзяцца на памылкі ў выніках, абураныя школьнікі і іх бацькі абрываюць тэлефоны Мінадукацыі

У панядзелак, 29 мая, адзінаццацікласнікам прыйшлі вынікі ЦЭ па беларускай і рускай мовах. Праўда, да ацэнак у выпускнікоў і іх бацькоў ёсць вялікія пытанні: яны сцвярджаюць, што вынікі палічылі няправільна. Афіцыйных каментароў аб гэтым няма ні ад Рэспубліканскага інстытута кантролю ведаў, ні ад Міністэрства адукацыі, піша «Люстэрка». 

Як расказалі чытачы «Люстэрка», пытанняў да вынікаў іспыту выявілася шмат. Яны падзяліліся з журналістамі прыкладамі няправільных падлікаў.

Так, адна з абітурыентак здавала іспыт па рускай мове. Усяго ў тэсце было 40 пытанняў, на 37 з якіх дзяўчына адказала правільна і яшчэ на адно часткова. Але, мяркуючы па даных у асабістым кабінеце, яе працу ацанілі ў 82 балы.

Яшчэ адна выпускніца здавала беларускую мову. У 40 пытаннях яна зрабіла дзве памылкі і яшчэ на два адказала часткова дакладна. Такі вынік Рэспубліканскі інстытут кантролю ведаў (РІКВ) ацаніў у 74 балы.

А ў трэцяй адзінаццацікласніцы і зусім не было памылак: у асабістым кабінеце 39 правільных адказаў, а на адно пытанне дзяўчына адказала часткова. Праўда, няпоўны адказ каштаваў ёй 8 балаў — у выніку яна атрымала 92.

— У кагосьці ўвогуле вынікі ў 101 і 103 балы. Ці, напрыклад, у кагосьці 0,0000000000074 бала ці нават нуль. Як такое магчыма? Усе ў шоку, — абураецца чытач.

«Люстэрка» піша, што скрыншоты ёсць у рэдакцыі. 

— Калі не будзе пераліку, многія нават не паступяць праз РІКВ, — абмяркоўваюць школьнікі ў чатах. Многія хлопцы ўжо жартуюць, што гатовыя служыць: «Ну, у войска заўсёды можна. Спадзяюся, сустрэнемся ў адной роце, мужыкі».

Пасля атрымання адказаў засмучаныя школьнікі і іх бацькі атакавалі гарачую лінію РІКВ.

— Нам адказваюць, што адбыўся збой і балы пералічаць. Абяцалі зрабіць гэта ўжо да сённяшняга вечара, — перадаюць па чатах выпускнікі.

Аператыўна датэлефанавацца да аператара гарачай лініі РІКВ журналісты не змаглі, у інстытуце не здымалі трубку. Таксама аператыўна атрымаць каментар не ўдалося і ў Міністэрстве адукацыі. 

Як павінны лічыць балы на ЦЭ? За кожнае правільна ці часткова правільна выкананае заданне выпускніку налічваюцца 1 ці 2 першасныя балы (у залежнасці ад тыпу задання). Потым сума першасных балаў абітурыента пераводзіцца ў тэставы бал. Гэта робіцца з дапамогай спецыяльнай формулы, якую РІКВ не публікуе.

У 2022 годзе першасныя і тэставыя балы ЦТ па рускай і беларускай мовах суадносіліся такім чынам, табліцы за 2023 год пакуль няма.

ЦЭ ў Беларусі праходзіць першы год. Кожны выпускнік-2023 здаваў два цэнтралізаваныя экзамены. Адзін абавязковы — па рускай ці беларускай мове. Другі прадмет — па выбары. Заданні адаптавалі да базавага ўзроўню школьнай праграмы.

Каментары9

  • 103% из 100
    29.05.2023
    Сразу видна работа Карпенко - походу он, будучи сейчас главой лукашенковского цика, решил сначала обкатать передовые методы подсчета в министерстве образования. Обкатка прошла успешна на все 103%. Такой же результат будет и на следующих выборах, беларусы досрочно проголосуют на 103%. Хотя, чего еще ждать от коммуниста. Ура товарищи, раздеваетесь и работайте!
  • )
    29.05.2023
    Тот случай, когда те, кто рассчитывал результаты, сами не усвоили базовую школьную программу)
  • 103
    29.05.2023
    цікава, колькі коля ў свой час атрымаў? пэўна 146%

ФБР назвала імя таго, хто страляў у Трампа14

ФБР назвала імя таго, хто страляў у Трампа

Усе навіны →
Усе навіны

Буданаў пра пагрозу наступу РФ з поўначы: Катастрофы няма, але не бачыць праблем не атрымаецца2

Заўтра ў Беларусі будзе да +35°С, але ў Мінску «ўсяго» +30°С3

Прынцэса Кейт Мідлтан наведае фінал Уімблдона ў нядзелю1

Міністарка спорту Францыі за два тыдні да Алімпіяды выкупалася ў Сене, ледзь не паслізнуўшыся на прыступках ВІДЭА1

Пазняк перакананы, што ў другім туры выбараў-1994 перамог бы Лукашэнку121

Месяцы карцару і два з паловай гады без сонца. Як малады мінчук прайшоў праз калонію і крытую турму5

Новыя Patriot і SAMP/T не змогуць абараніць Харкаў, Сумы, Мікалаеў і Чарнігаў — аналітыкі

За 40 км ад Мінска ёсць унікальны бясплатны гідрапарк з вадаспадамі, лесам, пляжамі і нават «джакузі»2

У Беларусь зноў заляцеў шахед. Гэтым разам ён дабраўся да Віцебска12

больш чытаных навін
больш лайканых навін

ФБР назвала імя таго, хто страляў у Трампа14

ФБР назвала імя таго, хто страляў у Трампа

Галоўнае
Усе навіны →