Два кампаненты зенітна-ракетнага комплексу Patriot былі пашкоджаныя падчас ракетнага нападу расіян, паведамляе CNN са спасылкай на свае крыніцы.
«Расійскі абстрэл, які складаўся з гіпергукавых ракет «Кінжал», крылатых ракет «Калібр» і іншых боепрыпасаў, пашкодзіў генератар батарэі Patriot і частку электронікі сістэмы», піша выданне.
Па словах трох іншых амерыканскіх чыноўнікаў, пашкоджанні былі мінімальнымі ці «нязначнымі». Па словах аднаго з чыноўнікаў, сістэма заставалася функцыянальнай на працягу ўсяго нападу і застаецца ў сетцы.
ЗША накіравалі інспектараў для праверкі сістэмы.
Адной з версій здарэння з'яўляецца тое, што гэта абломкі ракеты пашкодзілі Patriot, але спецыялісты разглядаюць і іншыя варыянты.
Мінабароны Расіі раней заявіла, што 16 мая нібыта «высокадакладным ударам» «Кінжала» расіяне паразілі Patriot.
Сваяк Віктара Лукашэнкі займае высокія пасады ў КДБ. Гэта высветлілася, калі забралі будынак дзіцячай паліклінікі7
Каментары