Грамадства1010

Чалавек, які толькі прайшоў Акрэсціна, расказаў, што такое каруселі

«Большасць супрацоўнікаў даволі ветлівыя, і адчуваецца, што яны спачуваюць, але працягваюць рабіць сваю працу», — апісаў свой кашмар супрацоўнік ІТ-сектара, які толькі што прайшоў праз Акрэсціна і магілёўскую турму. Яго калегі перадалі расказанае ім у «Нашу Ніву».

Akrescina prison in Minsk, place of torture of political prisoners
Каля ізалятара на Акрэсціна. Архіўнае фота

«На Акрэсціна галоўны дыскамфорт быў у тым, што 25 чалавек у камеры, дзе чацвёра нараў, на 12 квадратных метраў. Кармілі добра, акно адчынялася, але не было матрацаў, людзі спалі на падлозе і на металічных ложках покатам. Ноччу па-ранейшаму не выключаюць святло, два разы за ноч падымаюць на пераклічку.

Вобшук раз на дзень. Мыцца і на шпацыр не водзяць. Кнігі чытаць нельга.

У нас у камеры сядзелі медык, прафесар адной і дацэнт іншай ВНУ, дык яны лекцыі чыталі нам», — расказаў айцішнік.

«Потым перавялі ў Магілёў. Там умовы горшыя. Шмат клапоў, усе страшна пакусаныя, штодня пераводзяць у новую камеру. Тры разы на дзень бессэнсоўны, проста для прыніжэння, агляд, прычым раздзявацца трэба цалкам. Акно не адчыняецца, няма чым дыхаць. На Акрэсціна элементарныя лекі давалі. У Магілёве лекар не прыходзіў ні разу.

Адзінае, у Магілёве кармілі вельмі смачна, у разы лепей за Акрэсціна».

«У асноўным супрацоўнікі і на Акрэсціна, і ў Магілёве — моладзь, часта з правінцыі, яшчэ з беларускім акцэнтам гавораць».

«Большасць супрацоўнікаў даволі ветлівыя і адчуваецца, што яны спачуваюць, але працягваюць рабіць сваю працу, — адзначае айцішнік. — Людзей катуюць клапамі, цеснатой і пазбаўленнем сну, хоць і спачуваюць ім».

«Многія, з кім я сядзеў, адбывалі свае суткі ўжо другі-трэці раз запар. Бывае, толькі выходзяць з Акрэсціна, а іх ужо чакае міліцыя і вязе ў РУУС. Або выйдуць, пераначуюць дома, а раніцай зноў да іх прыходзяць. Каля паловы з тых, з кім я сядзеў, прайшлі гэткія «каруселі»,— расказаў калегам айцішнік.

Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы па звестках з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу. З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або за сімпатыі да Украіны. За гэты час у краіне адбылося каля 50 тысяч палітычна матываваных затрыманняў, заведзена каля 12 тысяч палітычна-крымінальных спраў і адкінутыя нават самыя базавыя нормы законнасці і маралі.

Калі маеце важную для ўсіх інфармацыю, пішыце рэдактару «Нашай Нівы» ў ТГ, на [email protected] ці [email protected].

Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).

«Наша Нiва» — бастыён беларушчыны

ПАДТРЫМАЦЬ

Каментары10

  • I
    05.04.2023
    Ня ужо НН напісала што кароль голы?
    Цудоўная навіна.
  • Беларус
    05.04.2023
    лукашенка, прекрати разжигать взаимную ненависть и повышать градус НЕНАВИСТИ - приведёшь Беларусь к Реальной Гражданской Войне!!! Но, возможно, лукашенка, ты Гражданской Войны и добиваешься?!
  • Беларус
    05.04.2023
    I, всегда говорил и говорю что лукашенка ПРОИГРАЛ ВЫБОРЫ Светлане Георгиевне Тихановской!!! В прежние "избирательные кампании", лукашенка также ПРОИГРЫВАЛ ВЫБОРЫ, но умело "решал" ПРОБЛЕМУ ПРОИГРЫША, но в 2020 году "что-то пошло не так"...

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны19

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Усе навіны →
Усе навіны

У Варшаве затрымалі былога палітвязня Ігара Банцара — гэта ён прыйшоў у Міністэрства сям'і са зброяй56

Таксістаў ужо пачалі штрафаваць за выкарыстанне машын у асабістых мэтах — па дзіўным артыкуле3

Байдэн назваў адзіную ўмову, пры якой адмовіцца ад прэзідэнцтва10

Аднаго з найлепшых беларускіх трэнераў па настольным тэнісе судзяць за «садзейнічанне экстрэмісцкай дзейнасці»2

Пайшоў з жыцця беларускі вынаходнік Аляксандр Длатоўскі

Паглядзіце, як прыкольна выглядае беларускі пашпарт пад ультрафіялетам13

Гэты карлікавы кот з сарамлівым выглядам стаў новай зоркай сацсетак6

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

больш чытаных навін
больш лайканых навін

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны19

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Галоўнае
Усе навіны →