Беларусы змогуць афармляць польскі праязны дакумент іншаземца бясплатна
З чэрвеня беларусы, якія маюць дазвол на жыхарства ў Польшчы, змогуць афармляць польскі праязны дакумент іншаземца бясплатна. Цяпер гэты дакумент каштуе 350 злотых (каля 75 еўра), паведамляе Польскае інфармацыйнае агенцтва.
![](http://d3kcf2pe5t7rrb.cloudfront.net/img/w732d4webp1/photos/z_2023_03/mycollages-26-3iopm.jpg.webp)
Па словах намесніка дзяржсакратара МУС Польшчы Барташа Градзецкага, кіраўнік міністэрства Мар'юш Камінскі прыняў рашэнне аб бясплатнай выдачы дакумента пасля абмеркавання пытання з беларускай дыяспарай і Святланай Ціханоўскай.
Новая працэдура выдачы беларусам польскага праязнога дакумента — спосаб «вырашыць сітуацыю тых, чый пашпарт, напрыклад, пратэрмінаваны», адзначыў Градзецкі.
«Гэта важная змена таксама тычыцца дзяцей беларусаў, якія нарадзіліся ў Польшчы і ніколі не мелі [беларускага] пашпарта», — дадаў ён.
Польскае МУС: Рашэнняў Лукашэнкі аб пазбаўленні грамадзянства Польшча прызнаваць не будзе, такія людзі атрымаюць дакументы
Атрымаць польскую візу стала адначасова складаней і прасцей. Што змянілася?
Калі дэмсілы плануюць выпусціць новы беларускі пашпарт, дзе ён будзе дзейнічаць і хто яго будзе выдаваць
«Каля 450 тысяч замежнікаў наведала Беларусь па бязвізе». Праўда? Выглядае, што ў разы менш
Каментары