Грамадства11

Над Мінскам па вечарах і ўначы некалькі дзён будзе лётаць верталёт. Але з цалкам мірнымі мэтамі

На працягу некалькіх дзён у небе над Мінскам па вечарах і ўначы будзе лётаць верталёт МНС. Але з вайсковымі манеўрамі гэта не звязана, загадзя папярэджваюць камунальнікі, у інтарэсах якіх гэты аблёт робіцца. Бо ён планавы, сезонны і праводзіцца штогод.

Рэч у тым, што штогод у канцы зімы спецыялісты «Мінскіх цеплавых сетак» вядуць спецыяльную аэраздымку, каб выявіць цеплавыя анамаліі ў сетках: уцечкі, затапленні, няспраўнасці і гэтак далей.

Канкрэтныя даты сёлетняга аблёту горада пакуль невядомыя, бо яны вызначаюцца спецыялістамі выратавальнага ведамства на падставе метэаданых. 

Як тлумачаць у РУП «Мінскэнерга», аэраздымка будзе весціся з выкарыстаннем спецыяльных прыбораў. Пасля завяршэння серыі аблётаў спецыялісты на падставе сабраных звестак распрацоўваюць план па рамонце цеплатрас і падрыхтоўцы да новага ацяпляльнага сезона. Таму ў «Мінскэнерга» просяць мінчукоў паставіцца да гэтых мерапрыемстваў з разуменнем і не панікаваць.

Палёты будуць весціся толькі вечарам і ноччу, і гэта таксама не проста так. «Звязана гэта з тым, што вялікая колькасць трубаправодаў праходзіць праз ажыўленыя гарадскія аўтамагістралі, падчас руху аўтатранспарту па якіх выявіць іх цеплавыя анамаліі няма магчымасці», — растлумачылі на прадпрыемстве.

Каментары1

  • Минчанин
    28.02.2023
    Не упадет?

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Усе навіны →
Усе навіны

«Каханне ўсяго майго жыцця». Арына Сабаленка пацвердзіла свае адносіны з бразільскім бізнэсменам15

«Бунт» з-за раёна, чаўнакі на паўзе і лёс старога парку. Чым жыве самы заходні горад Беларусі?

Аўстрыйскі палітолаг спрагназаваў, што пачатку вайны Расіі з НАТА можа папярэднічаць паўстанне палякаў у Беларусі. А чаму не бунт рэптылоідаў?10

«Мае аксэсуары прыносяць поспех, упэўненасць у сабе і грошы». Спявачка Галіна Шышкова стала дызайнеркай5

«Аказваецца, і на тым баку ёсць людзі». Маці Івана Падрэза ўсё ж не высяляюць6

Па Мсціслаўскім раёне пранёсся моцны ўраган

У Беларусі ўжо +37,5°С. У сервісе дастаўкі прадуктаў знікла папулярная мінеральная вада1

51 нобелеўскі лаўрэат заклікаў неадкладна спыніць вайну ва Украіне і канфлікт у сектары Газа13

У гонар беларускага байца назвалі вуліцу ва ўкраінскім Канатопе1

больш чытаных навін
больш лайканых навін

Апакаліпсіс у Мазыры. Шторм накрыў Гомельшчыну1

Апакаліпсіс у Мазыры. Шторм накрыў Гомельшчыну

Галоўнае
Усе навіны →