ISW: Пуцін хоча выкарыстоўваць беларускі ВПК для вайны, Лукашэнка вымушаны ісці на саступкі
Расія можа задзейнічаць частку беларускага ваенна-прамысловага комплексу ў рамках намаганняў Масквы па пераўзбраенні расійскай арміі для зацяжной вайны з Украінай, лічаць аналітыкі амерыканскага Інстытута вывучэння вайны (ISW). А Мінск вымушаны ісці на саступкі, каб пазбегнуць прамога ўдзелу беларускіх вайскоўцаў у вайне.
Напярэдадні Аляксандр Лукашэнка на сустрэчы з прэзідэнтам Уладзімірам Пуціным заявіў, што Беларусь гатовая наладзіць вытворчасць Су-25. Гэты самалёт, паводле яго выказвання, «сябе добра ва Украіне паказвае — штурмавік, рабочы конік».
Лукашэнка таксама заявіў, што беларускі МАЗ пачаў вытворчасць камплектуючых для расійскага вытворцы цяжкіх грузавікоў КамАЗ, а таксама выказаў гатоўнасць дапамагчы Расіі вырабляць электронныя кампаненты, каб пакрыць страту заходніх.
Дадатковыя Су-25 і запчасткі для грузавікоў нельга назваць крытычна важнымі для поспеху доўгатэрміновых ваенных дзеянняў, агаворваюцца аўтары справаздачы. Аднак Крэмль можа рэквізаваць беларускія заводы і пераабсталяваць іх для вытворчасці тэхнікі, у якой сапраўды маюць патрэбу расійскія вайскоўцы, дапускае ISW. Акрамя таго, Расія можа паспрабаваць перапрафіляваць свае заводы для вытворчасці больш неабходнай тэхнікі, перадаўшы вытворчасць Су-25 у Беларусь.
Раней ISW пісаў пра тое, як Масква пачала выкарыстоўваць беларускія палігоны і інструктараў для навучання мабілізаваных, каб кампенсаваць недахоп рэсурсаў у Расіі. Відаць, Крэмль па той жа схеме хоча задзейнічаць беларускі ВПК, каб павялічыць вытворчасць для патрэб расійскіх ваенных, у той час як Пуцін імкнецца актывізаваць і працу расійскіх абаронных прадпрыемстваў для падтрымкі вайны з Украінай, пішуць аналітыкі.
ISW лічыць, што Крэмль аказвае няўхільны ціск, дамагаючыся больш цеснай інтэграцыі дзвюх дзяржаў, якой беларускі кіраўнік «гістарычна супраціўляўся». Лукашэнка ж ідзе на невялікія саступкі, якія ён гадамі адмаўляўся рабіць, рэзюмуюць аўтары. Яны лічаць гэтыя «запозненыя саступкі» прыкметай яго рашучасці не дапусціць прамога ўдзелу беларускіх войскаў у вайне супраць Украіны.
На перамовах з Пуціным у Маскве Лукашэнка прамовіў фразу, якую можна было зразумець як намёк на тое, што гэта расійскаму прэзідэнту патрэбныя іх частыя сустрэчы, а не наадварот. «Як быццам я мог не пагадзіцца», — сказаў ён, калі Пуцін падзякаваў яму за візіт.
Што запісана афіцыйнай прычынай смерці адзінага сына Ярмошынай?9
Каментары
Які абегаў вёску ўсю,
За раніцу абшнырыў завуголле,
Цяпер такі меў выгляд важны,
Што носа не дастаць і сажнем —
Вышэй за ўсіх ён сам сябе лічыў,… поэт пророк написал !!!