Свет11

У Італіі выйшла кніга пра цяжкія адносіны паміж двума Папамі

Ватыкан намагаўся не дапусціць друку кнігі, але ягоны ўплыў на італьянскія выдавецкія дамы ўжо даўно не такі магутны, як у мінулыя часы, піша «Свабода». 

Два Папы — Францішак і яго папярэднік Бенедыкт XVI

Аўтарам кнігі стаў шматгадовы асабісты сакратар нядаўна памерлага Бенедыкта XVI. Ён паказаў, наколькі напружанымі былі адносіны паміж Папам на спачынку і яго пераемнікам Францішкам. 

Першыя фрагменты кнігі з'явіліся ў італьянскай прэсе яшчэ перад пахаваннем Бенедыкта XVI, які памёр 31 снежня 2022 года. Першыя ж публікацыі з будучай кнігі шматгадовага асабістага сакратара Георга Генсвайна, якія прабіліся ў прэсу, выклікалі скандал. «Напад Георгія на Берголья (свецкае імя Папы Францішка)», — напісала газэта Il Messaggero.

Некалькі кардыналаў і арцыбіскупаў у інтэрв'ю папярэджвалі Генсвайна, каб той «лепш маўчаў».

Насуперак пажаданням Ватыкана арыгінальная італьянская версія кнігі з'явілася на рынку 12 студзеня, у ёй 336 старонак.

У кнізе Георга Генсвайна — тры этапы жыцця памерлага Папы: калі ён быў прэфектам Кангрэгацыі Веравучэння (1982—2005), у якасці Папы (2005—2013) і пасля свайго адрачэння, калі ён стаў Папам-эмерытам (2013—2022 гг.) — першым Папам, які адрокся ад пасаду за 600 апошніх гадоў. У цэнтры ўвагі ў кнізе — адносіны паміж двума Папамі: Бенедыктам XVI і Францішкам, а таксама аспекты, якія тычацца іхніх поглядаў на царкоўнае права і веру.

Генсвайн, які больш за 15 гадоў быў асабістым сакратаром Бенедыкта XVI, сцвярджае, што Францішак «разбіў сэрца свайму папярэдніку», бо зноў абмежаваў выкарыстанне лаціны, якую Бенедыкт, як кансерватар, хацеў распаўсюджваць.

Ужо з першых старонак чытач можа здагадацца, што Генсвайн пачаў рабіць падрабязныя нататкі шмат гадоў таму з намерам напісаць мемуары. Апісваецца, напрыклад, віншавальны ліст кіраўніка найбуйнейшай масонскай ложы Італіі пасля абрання Папам кардынала Хорхе Берголья ў сакавіку 2013 года. Ліст павінен быў быць вельмі цёплым, а стаў крыўдным. Аўтар мяркуе, што новага Папу любілі «ворагі царквы» — масоны, а старога Папу не любілі. Ён лічыць, што гэта гаворыць на карысць Бенедыкта XVI.

З аднаго боку, Генсвайн спрабуе пазбавіць крайніх традыцыяналістаў-каталікоў аргумента аб тым, што адрачэнне Бенедыкта XVI было несапраўдным і, такім чынам, абранне Папы Францішка незаконнае. Дагматыкі ставяць пад сумнеў законнасць цяперашніх касцельных уладаў і іх рашэнняў. Генсвайн падрабязна апісвае, як у заяве Бенедыкта XVI аб адрачэнні і развітальнай прамове былі некаторыя невялікія памылкі і абмоўкі, якія часта выкарыстоўваюцца гэтымі групамі ў якасці меркаванага доказу для пацвярджэння іх тэорый змовы.

З іншага боку, Генсвайн спрабуе абвергнуць сцвярджэнні, што былы Папа будаваў свайго роду кансерватыўную апазіцыю свайму наступніку. У ім падрабязна апісваюцца выказванні старым Папам адданасці Францішку, іх сардэчныя сустрэчы, абмен падарункамі і многае іншае.

У прыватнасці, ён падкрэслівае, што стары Папа прасіў усіх, хто прыходзіў да яго паскардзіцца на новага, пакінуць яго гасцёўню.

Кніга, якой бы спрэчнай яна ні была, у першую чаргу паказвае цяжкасці, звязаныя з суіснаваннем двух Папаў у Ватыкане — праблему, на якую неаднаразова звяртала ўвагу ватыканскае духавенства. Дзяржаўны сакратар Апостальскай Сталіцы аднойчы падсумаваў гэта так: пакуль «Папа-эмерыт» можа размаўляць ці пісаць, ён знаходзіцца ў небяспецы быць выкарыстаным тымі, хто прытрымліваецца яго тэалагічнай лініі і аддаляецца ад новага Папы.

Ватыкан імкнуўся спыніць друк кнігі

Ватыкан спрабаваў спыніць публікацыю мемуараў Гэнсвайна, але магчымасці Святога Пасаду ўплываць на найбуйнейшыя італьянскія выдавецтвы аказаліся абмежаванымі. Кніга выклікала вялікі рэзананс у Ватыкане, бо раскрывае напружанне і канфлікты ўнутры касцельных уладаў і можа прывесці да палемікі і нават падзелаў. Акрамя таго, Генсвайн раскрывае шмат раней сакрэтнай і асабістай інфармацыі.

У панядзелак, 9 студзеня, Папа Францішак прыняў у Ватыкане свайго былога асабістага сакратара. Хоць падрабязнасці зместу размовы невядомыя, мяркуецца, што гаворка ішла аб прафесійнай будучыні 66-гадовага Генсвайна. Апошнімі днямі шмат спекуляцый выклікала інфармацыя аб тым, што былы асабісты сакратар Бенедыкта XVI выехаў з пакоя ў рэзідэнцыі нябожчыка Папы-эмерыта.

Нямецкае каталіцкае інфармацыйнае агенцтва KNA паведаміла, што крыніцы ў Ватыкане адмаўляюць, што Генсвайна «выгналі». Шмат гадоў таму ён жыў у службовай кватэры ў Ватыкане, і ў яго распараджэнні быў толькі адзін пакой у рэзідэнцыі Папы-эмерыта.

Каментары1

  • Джек Блэк
    15.01.2023
    Я давно подозревал,что небывалый в истории и рационально необъяснимый факт отречения Папы Бенедикта и замены Папы-консерватора на Папу-левака состоялся не без активного участия мирового социал-глобалистического интернационала и лежит в русле современных процессов тайных и явных операций левацкого наступления на западную цивилизацию.Есть у Мировой революции начало,нет у революции конца.(Как завещал великий Троцкий-Лейба Бернштейн).

Украінскія войскі прарвалі мяжу Расіі на яшчэ адным участку ў Курскай вобласці16

Украінскія войскі прарвалі мяжу Расіі на яшчэ адным участку ў Курскай вобласці

Усе навіны →
Усе навіны

Вядоўца «Белсата» выдаў кнігу пра Дастаеўскага22

Белы дом не будзе мяняць палітыкі ў дачыненні да ўдараў заходняй дальнабойнай зброяй па Расіі7

Быць пераможцамі ці расчэсваць раны ахвярнасці? Справа ў свядомым выбары3

Жыхарам Мінска задарма разашлюць 300 тысяч фота з відамі горада3

Вядомага расійскага аэраразведчыка праз канфлікт з камандзірам адправілі ў мясны штурм. Там ён і загінуў10

Праваабаронцы падлічылі, колькі беларусаў сёлета затрымалі пасля вяртання з-за мяжы3

Прыпынкі грамадскага транспарту ў Віцебску ўпрыгожылі цытатамі з Лукашэнкі 9

Райаддзел культуры абвясціў збор грошай, каб закансерваваць касцёл Святога Духа3

Хто той паляк на сустрэчы з Лукашэнкам, які яму падхіхікваў?13

больш чытаных навін
больш лайканых навін

Украінскія войскі прарвалі мяжу Расіі на яшчэ адным участку ў Курскай вобласці16

Украінскія войскі прарвалі мяжу Расіі на яшчэ адным участку ў Курскай вобласці

Галоўнае
Усе навіны →