Добраахвотнікі палка Каліноўскага ўдзельнічалі ў дзвюх буйных аперацыях на ўскрайку Бахмута 31 снежня і 3—4 студзеня. Адзінаццаць беларускіх добраахвотнікаў на мінулым тыдні былі параненыя. Пра гэта паведаміла прэс-служба палка.
Частка батальёна «Літвін» змяніла напрамак і цяпер разам з батальёнам «Волат» выконвае баявыя задачы на ўсходзе Украіны. Другая частка батальёна «Літвін» ваюе на іншым напрамку фронту, гаворыцца ў справаздачы палка.
На мінулым тыдні ваяры вялі штурмавыя аперацыі, праводзілі контрнаступальныя дзеянні, удзельнічалі ў выкананні сумесных задач. Страт у палку няма, але ёсць параненыя.
31 снежня і 3—4 студзеня былі дзве буйныя аперацыі на ўскрайку Бахмута.
31 снежня 6 чалавек былі параненыя: двое з асколачнымі раненнямі і чацвёра — з кантузіяй рознай ступені, расказала камандзір эвакуацыйнай групы батальёна «Волат» з пазыўным «Север».
3 і 4 студзеня пяцёра чалавек атрымалі раненні. З іх трое — кулявыя раненні, адзін — асколачнае і яшчэ адзін — кантузію.
Ваяры з кулявымі раненнямі знаходзяцца ў шпіталі.
Дзяніс Урбановіч атрымаў раненні 4 студзеня. У яго было даволі цяжкае раненне ў грудзі, але ён ужо ў стабільным стане, ідзе на папраўку.
Прэс-служба палка паведаміла таксама, што перад Новым годам мэр Жытоміра наведаў пазіцыі палка ў Бахмуце і перадаў добраахвотнікам пікап, камплекты вайсковай формы, генератары і дрон.
Каментары