Усяго патроху11

Як складваць адзенне? Пяць практычных метадаў

Калі вы пачняце добра складваць адзенне, зможаце змяшчаць больш рэчаў у чамадан, радзей карыстацца прасам і ўвогуле даўжэй захоўваць рэчы ў добрым стане. Прапануем пяць карысных падказак.

Фота: pixabay.com

Складваем блузы і кашулі — 1 варыянт

Ёсць некалькі спосабаў, як справіцца з гэтай задачай. Калі мы складваем світшоты, кашулі або блузкі, то робім упор на рукавы, той жа прынцып дзейнічае і са швэдрамі.

Дык як жа даць рады адзенню з рукавамі? Першы спосаб — памясціць рукавы пад саму блузу ці кашулю. Пачніце з таго, што разгладзьце адзенне, каб на ім не было складак, потым памясціце рукавы пад адзенне — павінен атрымацца своеасаблівы прастакутнік. Потым кофту можна паўторна скласці спачатку ўздоўж доўгага краю, а потым — упоперак.

Магчыма, гэта не надта эстэтычны спосаб, але эфектыўны. Ідэя ў тым, каб прывесці вопратку да выгляду геаметрычнай фігуры (часцей за ўсё прастакутніка), а потым скласці да патрэбнага памеру.

Складваем блузы і кашулі — 2 варыянт

Больш прывабна выглядаюць кашулі, складзеныя такім чынам, каб каўнерык знаходзіўся зверху. Гэты метад выкарыстоўваюць, напрыклад, для дэманстрацыі кашуль у скрынцы ці на паліцы магазіна. Вось як ён працуе:

  • павярніце кашулю заднім бокам да сябе,
  • разгладзьце паверхню,
  • загніце да сярэдзіны адзін бок кашулі,
  • накладзіце рукаў на загнуты бок, сумясціўшы яго край з краем бока кашулі,
  • паўтарыце гэта ж самае з іншым бокам кашулі,
  • у думках падзяліце кашулю ўпоперак на тры роўныя часткі і двойчы складзіце яе па пазначаных лініях.

Не толькі прастакутнік

Майкі і футболкі можна складваць гэтак жа, як і блузы з кашулямі, з улікам таго, што яны не маюць рукавоў. Але ж не абавязкова, каб у выніку атрымліваўся прастакутнік, можна і скруціць адзенне ў валік. Тады размяшчайце адзенне вертыкальна на паліцы. Гэты спосаб добра пасуе да камод з неглыбокімі шуфлядамі, але ж можна выкарыстоўваць яго і на звычайных паліцах у шафе — толькі пастаўце туды стэлажы або карзіны.

Складваем штаны

Перш за ўсё, складзіце штаны напалову ўздоўж штанін. З аднаго боку, у верхняй частцы штаноў, будзе выступаючая частка, трэба пакласці яе пад штаніну, каб атрымаўся максімальна роўны прастакутнік. Далей складзіце штаны напалову два разы запар.

І зноў, не абавязкова складваць штаны так, каб у выніку атрымаць прастакутнік. Пасля таго, як атрымаеце першапачатковы прастакутнік, можаце паступова скруціць вопратку так, каб атрымаўся цвёрды валік.

Складваем шкарпэткі

Трымаць у належным стане шкарпэткі і бялізну не надта цяжка, але ж можна і тут палегчыць сабе жыццё. Першы варыянт складвання шкарпэтак родам з арміі. Разгладзьце абедзве шкарпэткі і пакладзіце іх адна на адну, а потым згарніце ў валік, пачынаючы з пальцаў. Потым, калі валік будзе гатовы, проста выверніце верхнюю частку адной шкарпэткі так, каб яна закрывала хаця б трохі верхняй часткі абедзвюх шкарпэтак.

Іншы метад — складванне шкарпэтак крыж-накрыж. Пакладзіце шкарпэткі адну на другую ў выглядзе крыжа такім чынам, каб у цэнтры была пятка, і перамясціце часткі ніжняй шкарпэткі на перакрыжаванне. Паўтарыце аналагічныя дзеянні з другой шкарпэткай. Такім чынам у вас атрымаецца акуратны прастакутнік, ды і шкарпэткі не згубяцца.

Чытайце таксама:

Дадайце трохі кавы ў пральную машыну і гэта дапаможа захаваць колер. Якім чынам?

«Дзе ты згубіў штаны?» У моду ўваходзіць празрыстае адзенне — і нават ніжняя бялізна

Для чаго выкарыстоўваецца трэці адсек у пральнай машыне? Вы можаце здзівіцца

Каментары1

  • ox-xo
    04.12.2022
    Vo heta ja zanatuju ! Nienavidžu zbirac` valizu.

Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34

Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной

Усе навіны →
Усе навіны

Ігар Сігоў: Падыходжу да Лукашэнкі і лаўлю сябе на тым, што хачу сагнуцца4

Айцішнік пасля 3+ гадоў у EPAM стаў афіцыянтам. Працу ў ІТ так і не знайшоў2

ГУР Украіны атакавала расійскую базу беспілотнікаў у Сірыі

Падазраванаму ў замаху на Трампа выставілі абвінавачванне3

Па свеце распаўсюджваецца новы варыянт кавіду ХЕС. Чым ён адрозніваецца ад папярэдніх1

Зляпілі з таго, што ўжо было: пачаў працу новы тэлеканал — «Першы інфармацыйны»7

Рамзан Кадыраў выгуляў па Грозным матацыкл «Мінск»2

«Жыць будзеш, але бабы не захочаш». Як у 1939 Беларусь аб'ядналася39

«Мучымся». Дальнабойшчык расказаў, што ў чарзе на мяжу пад Брэстам стаяць тыднямі1

больш чытаных навін
больш лайканых навін

Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной34

Коля Лукашэнка сыграў на раялі на «Дні народнага адзінства». Яго тата перад гэтым прыгразіў Трэцяй сусветнай вайной

Галоўнае
Усе навіны →