Навука і тэхналогіі

Ракета з касмічнымі памідорамі і інкубатарам ёгуртаў адправілася на МКС

Калі астранаўты збіраюцца выконваць шматгадовыя місіі або ўсталяваць працяглую прысутнасць на Месяцы і Марсе, ім спатрэбяцца свежая ежа і медыкаменты, якія не так лёгка даставіць за межы нашай планеты. Апошняя партыя прыпасаў, якая накіроўваецца на МКС, уключае некалькі новых варыянтаў рашэння праблемы: у тым ліку вытворчасць ёгуртаў і патэнцыйна смачных касмічных памідораў.

Фота: NASA

Памідоры на фота — гэта толькі апошняя фаза працяглага эксперыменту па вырошчванні ядомых раслін ва ўмовах мікрагравітацыі і штучнага асвятлення касмічнай станцыі. Апошнія некалькі гадоў працы былі сканцэнтраваныя на ліставой зеляніне, у прыватнасці на шпінаце і травах, паведамляе TechCrunch.

Місія вывучыць «якасць святла і ўгнаенняў для вытворчасці садавіны, мікробную бяспеку харчовых прадуктаў, харчовую каштоўнасць, прымальнасць смаку для экіпажа і агульныя перавагі ўтрымання раслін і свежай ежы ў космасе для здароўя». Розныя камбінацыі ўмоў, наладжванне патокаў святла і пажыўных рэчываў дапамогуць убачыць, як вырабіць лепшыя памідоры ў космасе цягам 104-дзённага перыяду росту.

Фота: NASA

Як і наземнае садоўніцтва, гэта даволі складаны эксперымент для экіпажа МКС. Члены экіпажа даглядаюць расліны, забяспечваючы вадой, прарэджваючы расаду, апыляючы і сочачы за іх здароўем і прагрэсам — і, вядома, з'ядуць некаторую частку ўраджаю.

Таксама на МКС адпраўляюцца ёгурт, кефір і напой на аснове дрожджаў. Як вядома, некаторыя пажыўныя рэчывы нашмат больш карысныя, калі свежыя. І з гэтым могуць дапамагчы карысныя мікробы, падобныя да тых, якія знаходзяцца ў ёгуртах. BioNutrients-2 — гэта другая фаза спробы стварыць устойлівую для захоўвання сумесь, якая пры ўвільгатненні прыводзіць да выпрацоўкі бактэрыямі мэтавага пажыўнага рэчыва.

У біярэактарах бактэрыі і дрожджы вырабляюць пэўныя малекулы ў рамках сваіх нармальных біялагічных працэсаў, напрыклад, глюкозу. Але таксама яны могуць выкарыстоўвацца і для больш складаных малекул, такіх як некаторыя лекі. Але ці можна рабіць гэта эфектыўна і лёгка ў космасе і менавіта як гэта зрабіць — застаецца адкрытым пытаннем, на якое новыя эксперыменты праліюць крыху святла.

Пакеты ёгурта BioNutrients-2 пасля першапачатковага ўвільгатнення. Сіні колер змесціва мяшка зыходзіць ад індыкатара pH. Панэль, якая знаходзіцца за мяшкамі, дае арыенцір для пачатковага і канчатковага колераў / Фота: NASA/Dr. Anna-Lisa Paul

Касмічныя таматы — гэта не адзіны сад на МКС. Раней там ужо быў запушчаны эксперымент па вывучэнні эпігенетычнага ўздзеяння на расліны ва ўмовах мікрагравітацыі. Змены ў навакольным асяроддзі (асабліва такія, як жыццё на арбіце) могуць выклікаць змены ў тым, якія гены і якім чынам выяўляюцца.

Вядома, што гэтыя змены адбываюцца ў космасе, але пакуль невядома, ці з'яўляюцца змены спадчыннымі, і ці прывядуць пэўныя штамы ці мутацыі да атрымання больш зручных для космасу варыянтаў раслін. Даследаванне параўноўвае насенне і расліны, вырабленыя ў космасе, з насеннем, вырабленым на паверхні. Калі пашанцуе, людзі маглі б знайсці некаторыя спецыяльныя адаптацыі да мікрагравітацыі, якія дазваляюць раслінам квітнець у гэтых незвычайных умовах.

Каментары

Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў

Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў

Усе навіны →
Усе навіны

Кіраўнікі разведкі краін Захаду ўстрывожаныя «дзікімі паводзінамі» расійскіх спецслужбаў1

У Мінску зносяць адзін з будынкаў 6-й бальніцы

У Польшчы прызямліўся паветраны шар з Беларусі з надпісамі на рускай: на месца адпраўлялі спецназ1

Затрыманага ў Лельчыцкім раёне «дыверсанта» будуць судзіць па нечаканым артыкуле1

У расійскім Валгаградзе раней судзімы за разбой ветэран забіў ветэрана-забойцу12

Прэзідэнт Літвы назваў галоўную праблему плана Зяленскага4

Уначы ў Беларусь прылятаў Ан-124

У мінскім новабудзе прадаюцца кладоўкі

«У камеры 2х2 метры знаходзіцца восем чалавек». Сын галоўнага трэнера хакейнага «Дынама» адсядзеў на Акрэсціна і атрымаў дэпартацыю6

больш чытаных навін
больш лайканых навін

Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў

Афіцэр-пагранічнік, які прайшоў праз турму, расказвае пра жыццё «да» і «пасля» дый не шкадуе слоў пагарды для амапаўцаў

Галоўнае
Усе навіны →