У дом Ксеніі Сабчак прыйшлі сілавікі. Яна выехала праз Беларусь у Літву
Тэлевядучая Ксенія Сабчак цяпер не ў Расіі. «Яна праз Беларусь з'ехала ў Літву», — сказаў суразмоўца агенцтва РІА «Навіны», не ўдакладніўшы, з чым звязаная паездка.
Сёння раніцай следчыя прыйшлі з ператрусам у загарадны дом Ксеніі Сабчак у Маскоўскай вобласці.
Ператрус правялі ў доме журналісткі ў катэджным пасёлку «Горкі-8». Паведамляецца, што следчыя дзеянні звязаныя з крымінальнай справай аб вымагальніцтве, у рамках якой 25 кастрычніка затрымалі 32-гадовага Кірыла Суханава, камерцыйнага дырэктара медыяхолдынга Сабчак «Осторожно, Media».
«У самой Сабчак ніякага працэсуальнага статусу няма», — сказала крыніца.
Камерцыйны дырэктар стаў фігурантам вялікай справы аб вымагальніцтве грошай у чыноўнікаў і бізнэсменаў праз тэлеграм-каналы.
У кастрычніку МУС Расіі паведаміла, што затрымала трох адміністратараў тэлеграм-каналаў, якія, паводле версіі следства, публікавалі заказныя фэйкі пра чыноўнікаў і бізнэсоўцаў, а затым вымагалі грошы за іх выдаленне. У жніўні таксама затрымалі шасцярых адміністратараў тэлеграм-каналаў, якія падазраюцца ў вымагальніцтве.
-
Артыкул пра халаднік у амерыканскім СМІ перасварыў літоўцаў і палякаў. У дыскусію ўключыліся і беларусы
-
«Я казала, што гэта сабака». Памятаеце пра барана, якога абмяркоўвае ўся Польшча? Яго гісторыю расказала гаспадыня
-
У Расіі пажаніліся праваслаўны бізнэсовец і дзіцячая амбудсменка. Ён спонсар «Рускай вясны», на яе выдалі міжнародны ордар
Пасля прыёму ў міністра Кубракова арыштавалі жанчыну, якая шмат гадоў змагаецца з «педафільскім лобі»6
Каментары