Перад чаканым зваротам Пуціна, які 20 верасня так і не адбыўся, расіяне сталі цікавіцца, як з'ехаць з краіны і як атрымаць адтэрміноўку ад войска. На гэта звярнуў увагу канал «Можем объяснить».
20 верасня індэкс запытаў у Google па словазлучэнні «як з'ехаць з Расіі» дасягнуў максімуму.
Гэта адбылося на фоне здагадак аб будучай мабілізацыі ў РФ і падрыхтоўцы да незаконных «рэферэндумаў» на акупаваных тэрыторыях Украіны.
Пік запытаў прыйшоўся на 18:00, вынікае з даных Google Trends.
Больш за ўсё пытанне эміграцыі цікавіла жыхароў Хабараўскага краю, які мяжуе з Кітаем.
Таксама на аўторак прыйшоўся ўсплёск запытаў расіян па тэме мабілізацыі. Але ён меншы, чым у маі (калі гэтая тэма актыўна абмяркоўвалася перад Днём Перамогі). Найбольш актыўна гэтай тэмай цікавяцца жыхары Белгародскай вобласці.
У гэты ж дзень расіяне сталі гугліць тэму адтэрміновак ад войска. Пік прыйшоўся на 13:00 — пасля першых паведамленняў аб магчымай мабілізацыі.
Што запісана афіцыйнай прычынай смерці адзінага сына Ярмошынай?9
Каментары