Грамадства

Чакаюцца новыя чысткі сярод гісторыкаў. Ужо звольнілі дырэктара бібліятэкі Акадэміі навук Аляксандра Грушу

У Акадэміі навук працягваюцца кадравыя чысткі. Стала вядома, што з 1 ліпеня звальняецца дырэктар Цэнтральнай навуковай бібліятэкі НАНБ Аляксандр Груша. Усяго толькі паўгода таму з ім падпісалі новы кантракт, але гэта не стала перашкодай.

Аляксандр Груша

49-гадовы Аляксандр Груша — вядомы далёка за межамі Беларусі гісторык-медыевіст, доктар гістарычных навук.

Ён працаваў у структуры Акадэміі навук з 1996 года, перад тым, як у 2014 годзе ўзначаліць бібліятэку НАНБ, з 2005 года быў загадчыкам аддзела гісторыі Беларусі Сярэдніх вякоў і пачатку Новага часу. Сфера яго навуковых інтарэсаў: фармаванне пісьмовай культуры ў Вялікім Княстве Літоўскім у XIII — першай трэці XVI стагоддзя. Ён адзін з найлепшых знаўцаў кірылічнай палеаграфіі таго часу. 

Акрамя таго, ёсць інфармацыя, што плануюцца і ўжо ідуць новыя чысткі ў Інстытуце гісторыі НАНБ. Пад іх ужо патрапілі археолагі Мікалай Плавінскі і Вадзім Кошман, але падобна на тое, што на гэтым не спыняцца. 

Вядома, што ў адміністрацыі Лукашэнкі нядаўна была створаная камісія па праверцы дзейнасці Інстытута гісторыі на чале з першым намеснікам кіраўніка адміністрацыі Максімам Рыжанковым. У яе ўвайшлі сярод іншых такія вядомыя праваднікі дзяржаўнай ідэалагічнай лініі ў гістарычнай навуцы, як дэпутат Ігар Марзалюк, кіраўнік таварыства «Веды» Вадзім Гігін, рэктар Акадэміі кіравання, былы дырэктар Інстытута гісторыі Вячаслаў Даніловіч, дэкан гістфака БДУ Аляксандр Каханоўскі, рэктар Гродзенскага дзяржаўнага ўніверсітэта Ірына Кітурка. Верагодна, наступныя рашэнні адносна Інстытута будуць прымацца па выніках яе працы.

Каментары

Чаму расійскія дроны сталі часцей залятаць у Беларусь?3

Чаму расійскія дроны сталі часцей залятаць у Беларусь?

Усе навіны →
Усе навіны

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

Ад сёння Літва мае намер увесці абмежаванні на ўезд аўто з беларускімі нумарамі28

Мінскае «Дынама» на апошніх хвілінах прабілася ў другі раўнд кваліфікацыі Лігі чэмпіёнаў ВІДЭА1

Расійскі шахед выбухнуў за 55 км ад Бабруйска22

Паслабленні для беларускіх турыстаў уводзіць Тайланд

З беларусам тыдзень няма сувязі пасля таго, як ён перасёк мяжу з Польшчай1

88-гадовы апальны экс-кіраўнік «Пінскдрэва» Арыніч жыве ў Беластоку ў здымнай кватэры за кошт сваякоў2

Памёр Ігар Гіпс1

больш чытаных навін
больш лайканых навін

Чаму расійскія дроны сталі часцей залятаць у Беларусь?3

Чаму расійскія дроны сталі часцей залятаць у Беларусь?

Галоўнае
Усе навіны →