Паспяшайцеся з падпіскай. «Наша гісторыя», «Дуду» і «Асцярожна: дзеці!»
Падпіска прымаецца да 15 ліпеня. Калі ласка, не адкладайце афармленне на апошнія дні, каб мінімізаваць рызыку збояў.
Анлайн-падпіска на часопісы «Наша гісторыя», «Асцярожна: дзеці!» і «Дуду» прымаецца на сайце Nashakrama.by. Цяпер вы можаце аформіць падпіску за дзве-тры хвіліны.
З плюсоў тое, што ў нашай краме вы можаце падпісацца адразу на год, а можаце адвольна абраць тыя месяцы, у якія вы хочаце атрымліваць часопіс. Можаце замовіць дастаўку на дом, а можаце самі забіраць часопіс у зручны вам час у афлайн-пункце ў цэнтры Мінска.
Магчымасць падпісацца на найбліжэйшы нумар будзе працаваць да 15 дня месяца, у якім ён выходзіць. Гэта значыць, што на ліпеньскі нумар вы можаце аформіць падпіску па 15 ліпеня ўключна.
Выгадней падпісвацца адразу на паўгода ці на год: тады вы атрымаеце 6 нумароў, заплаціўшы за 5, альбо 12 нумароў, заплаціўшы за 10.
На гэты момант на сайце Nashakrama.by працуе аплата банкаўскай карткай, у хуткім часе дадасца магчымасць рабіць аплату праз АРІП.
Як аформіць падпіску на часопісы «Наша гісторыя», «Асцярожна: дзеці!» і «Дуду» на сайце Nashakrama.by
Некалькі пытанняў і адказаў
Як будзе адбывацца дастаўка на дом?
Часопіс будзе трапляць у вашу паштовую скрыню, як і пры звычайнай падпісцы.
Не хачу ўказваць свой адрас і прывязвацца да кур’ера, дзе можна забраць часопіс самому?
У кнігарні «Галіяфы» (Няміга, 3, цокальны паверх, павільён 47). Час працы — з 11:00 да 20:00 без выходных.
Ці будуць працягвацца продажы новага нумара часопіса раз на месяц на Энгельса, 34а?
Так, мы плануем працягваць такую практыку. Пра даты будзем паведамляць на сайце і ў сацыяльных сетках.
Ці магчыма выпісаць часопісы за мяжу?
Пакуль не. Дастаўку за межы Беларусі ажыццяўляюць інтэрнэт-крамы Knihi.by, Kniganosha.by, Halijafy.by, Kniger.by, Ragna.by. Альбо можаце заказаць PDF-версію праз краму Arche.
Ці магчыма падпісаць вязняў?
У большасці калоній і СІЗА прапускаюць толькі газеты-часопісы, выпісаныя праз каталог Белпошты. Часопіс можна паспрабаваць перадаць толькі праз адваката, са згоды следчага.
Калі ў мяне засталіся пытанні, каму іх задаць?
Пытанні, прапановы, пажаданні можна дасылаць на пошту [email protected]. Калі хочаце што-небудзь удакладніць па сваёй замове, можаце тэлефанаваць нам па нумары +375 33 311 28 43. Нам будзе прасцей, калі вы будзеце званіць ад 14:00 да 20:00.
Запрашаем у Nashakrama.by! Дзякуй, што вы з намі!
Хто тая жанчына, якую Марзалюк у эфіры БТ абазваў «шваллю з Гродна», і што яна піша ў чатах? Расказваем пра доктарку Стэфановіч10
Каментары